Sehr və gizli elmlər üzrə magistr dərəcəsi Exeter Universitetinin Araşdırmaları İnstitutunda keçiriləcək.
Ednews zdf.de nəşrinə istinadən xəbər verir ki, İngiltərədəki Exeter Universiteti 2024-cü ilin sentyabr ayından etibarən sehr və cadugərlik üzrə magistr proqramına başlayacağını açıqladı.
Bildirilib ki, Sehr və Gizli Elm Magistr Proqramı İngiltərədə sehr tarixinin öyrənilməsini müxtəlif mövzularla geniş əhatə edən bir proqram olacaq.
İngiltərədə ilk dəfə hazırlanan proqram tələbələrə əsrarəngiz və fövqəltəbii hadisələrin tarixi və onların cəmiyyətə təsiri haqqında məlumat və araşdırmalar təqdim etmək məqsədi daşıyır.
Proqramda təklif ediləcək kurslara Qərb ədəbiyyatı və incəsənətində əjdahalar, orta əsrlərdə qadınların təsviri və halüsinogen maddələrin fəlsəfəsi daxildir.
Xəyal Ramiz
