Yeni araşdırmaya görə, dünyanın ən xoşbəxt işçiləri masa arxasında çalışanlar deyil.
Ednews BambooHR-a istinadən xəbər verir ki, apatılan araşdırmaların nəticəsində məlumolub ki,  tikinti işçiləri bütün əsas sənaye kateqoriyaları arasında ən yüksək xoşbəxtlik səviyyəsinə çatan sektorlarlardan biridir. Araşdırmalar göstərir ki, dünyanın ən xoşbəxt işçiləri açıq havada və ictimai yerlərdə çalışırlar.
Təhlilə görə İkinci yerdə texnologiya , üçüncü yerdə isə maliyyə sektorudur.
HR proqram platforması 2020-ci ilin yanvarından 2023-cü ilin iyununa qədər dünya üzrə 1600-dən çox şirkətdə 57 000-dən çox işçinin məlumatlarını təhlil edib. Hesabatda bildirilir ki, işçilərin xoşbəxtliyi son üç ildə dalğalansa da, tikinti işçilərinin xoşbəxtlik göstəriciləri davamlı olaraq yüksək olaraq qalır.
Mütəxəssislərin fikrincə, bu, bir çox ölkələrdə, xüsusən də ABŞ-da tikinti işçilərinin maaşlarının artması və iş yerlərinin bolluğu ilə bağlıdır. ABŞ-ın ən böyük tikinti sənayesi assosiasiyalarından biri olan Associated General Contractors of America-nın hesabatına görə, inşaat işçilərinin saatlıq maaşları 2022-ci ildə son 40 ilin ən yüksək səviyyəsinə yüksəlib. Payscale-ə görə, ölkədə bir tikinti işçisi üçün orta saatlıq əmək haqqı 17,70 dollardır, lakin əmək haqqı 28,83 dollara qədər yüksələ bilər. Covid-19 epidemiyasının ev tikintisi və yaşayış evlərinin təmirinə tələbatı artırdığı da düşünülür. Bir çox ölkədə tikinti xərcləri 2020-ci ildən bəri davamlı olaraq artıb.
CNBC-dəki məqaləyə görə, texnologiya, maliyyə, qeyri-kommersiya və turizm sektorlarında çalışanlar  işçilərin xoşbəxtliyi baxımından yüksək bal toplayıblar.

Məqaləyə əsasən, ən yaxşı bal toplayan sektorlar aşağıdakılardır:

1. Tikinti: 49/50 bal
2: Texnologiya: 41/50 bal
3. Maliyyə: 3750 bal
4. Qeyri-kommersiya təşkilatları: 35/50 bal
5. Qida: 35/50 bal
6. Səyahət və yerləşdirmə: 35/50 bal
7. Təhsil: 34/50 bal
8. Tibb: 31/50 xal

Xəyal Ramiz