Bill Gates deyir ki, “robotların bütün yeməkləri və başqa şeyləri hazırlaya biləcəyi" 3 günlük iş həftəsi pis fikir deyil.
Ednews zdf.de nəşrinə istinadən xəbər verir ki, Bill Qeytsin fikrincə, texnologiya insanları əvəz etməyə bilər, lakin 3 günlük iş həftəsini mümkün edə bilər.
Milyarder ötən axşam Trevor Nuh-ın Podkast verlişinə qatılıb. Nuh süni intellektin məşğulluq üçün yaratdığı təhlükə barədə soruşduqda, Qeyts insanların "bu qədər çox çalışmaq məcburiyyətində qalmayacağı " bir vaxt gələ biləcəyini söylədib .
Süni intellekt bəzi müsbət dəyişikliklərə səbəb ola bilsə də, Qeyts əvvəllər süni intellektdən düzgün istifadə edilmədikdə yarana biləcək riskləri etiraf edib. İyul ayında o, süni intellektin potensial təsirləri haqqında 3000 sözdən ibarət bloq yazısı dərc edib.
"Mən düşünmürəm ki, süni intellektin təsiri Sənaye İnqilabı qədər dramatik olsun, lakin bu, şübhəsiz ki, ilk kompyuterin təqdimatı qədər böyük olacaq".
Qeyts daha qısa iş həftəsini proqnozlaşdıran yeganə biznes nəhəngi deyil. JPMorgan-ın CEO-su Ceym Dimon, süni intellekt sayəsində gələcək nəsil işçilərin yalnız 3,5 günlük iş həftəsinə sahib olacağını söyləyib.
Ötən həftə Dimon bildirib ki: "Uşaqlarınız 100 yaşa qədər yaşayacaq və texnologiyaya görə xərçəngə tutulmayacaqlar və yəqin ki, həftədə üç gün yarım işləyəcəklər" .
Qeyts əvvəllər yuxuya tənbəllik kimi baxırdı və Nuha deyirdi ki, 18 yaşından 40 yaşına kimi onun həyatının hamısı Microsoft-la bağlıdır. İndi o düşünür ki, “həyatın məqsədi təkcə bizneslə məşğul olmaq deyil ” .
ABŞ və xaricdəki şirkətlər dörd günlük iş həftəsinin effektivliyini sınaqdan keçirir. Bəziləri iş-həyat tarazlığının və məhsuldarlığın yaxşılaşması barədə müsbət nəticələr görürlər.
Xəyal Ramiz