Rusiya dəfələrlə Qərbi Kiyevə milyardlarla dollarlıq hərbi yardımı davam etdirməklə Ukraynada ona qarşı “proksi müharibəsi” (özü iştirak etməyən böyük bir güc tərəfindən qızışdırılan müharibə) aparmaqda ittiham edib, eyni zamanda Moskvaya qarşı çoxsaylı sanksiyaları tətbiq edib.

 

“Belə dayaz, açığı, təhlilin nəyə əsaslandığını söyləmək mənim üçün çətindir. Yeganə fərziyyə ondan ibarətdir ki, Qərb bu müharibəni dayandırmaq istəmir və bu müharibədə öz geosiyasi maraqlarını güdür - onlar bunu ilk növbədə Rusiya Federasiyasının simasında dünya səhnəsində başqa bir rəqibi aradan qaldırmaq cəhdləri baxımından edir. Bunu çərşənbə günü Rusiyanın xarici işlər naziri Sergey Lavrov deyib.

 

Rusiyanın xarici işlər naziri Qərbi müharibəyə qızışdırmaqda ittiham etməklə Ukrayna müharibəsini Rusiyanın başlatmadığını göstərməyəmi çalışır? Lavrovun bəyanatı nə qədər real görsənir?

 

Ednews bu sualları “Dunabe Regional və Mərkəzi Avropa İnstitutu”nun (IDM) idarəedici direktoru, “Dunabe Rektorları Konfransı”nın (DRK) baş katibi, Bratislavadakı GLOBSEC Siyasət İnstitutunun Qlobal Avropa Mərkəzinin əməkdaşı Sebastian Schäffer ilə müzakirə edir.

 

“Biz əvvəldən Kremlin hərəkətlərinə bəraət qazandırdıqlarını eşitmişik. Mənim üçün başqalarını günahlandırmaq və qurban rolunu oynamaq tipik yanaşma olaraq qalır”, deyə Sebastian Schäffer bildirib.

 

Onun sözlərinə görə, müharibəyə görə məsuliyyət daşıyan Moskvadan başqa heç kim yoxdur və Rusiya Federasiyası Ukraynaya hücumu dayandırsa və onun ərazisindən geri çəkilsə, müharibə başa çatacaq:

 

“Bir sözlə, Sergey Lavrovun bəyanatı tamamilə doğru deyil."

 

Ekspert “Qərb postsovet məkanında münaqişələrə səbəb olurmu” sualına belə cavab verib:

 

“Ən dolayısı ilə, alternativ, demokratik və firavan gələcək təklif etdiyinə görə, bu, Kremlin maraqlarına zidd və müdaxilələrə, və tam miqyaslı işğallara çıxaran hibrid müharibəyə səbəb olur.”

 

“Ermənistan və Azərbaycan arasındakı müharibənin həllində Qərb, yoxsa Rusiya daha çox maraqlıdır” sualına Sebastyan Şeffer bu cür cavablayıb:

 

Cavab vermək üçün çətin sualdır, lakin mən güman edərdim ki, daha geniş regionda başqa bir münaqişə Qərbdən daha çox Putinin marağındadır, lakin bu, Rusiya Federasiyasının resurslarını daha da gərginləşdirə bilər.

 

“Hesab edirəm ki, Rusiya Federasiyasının xarici işlər naziri təəssüf ki, real bəyanatlarla maraqlanmır, lakin o, təcrübəli diplomat kimi, bu bəyanatlar saxta xəbərlərə qapılmayan auditoriyaya yönəlməyib”, - İDM-in idarəedici direktoru vurğulayıb.

 

Ülviyyə Şahin, Gülnarə Rəhimova

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary