“Bütün bunlar heç də irəliləyiş və ya dəyişikliyə səbəb olmayacaq. Bu hərəkərlətin heç bir xeyri olmayacaq”.
Bu fikirləri Ednews-a açıqlamasında israilli ekspert, ictimai-siyasi xadim Barux Leviyev Ermənistanda əsir saxlanılan Azərbaycan əsgərinə verilən işgəncələrdən danışarkən səsləndirib. O, bildirib ki, biz arzulayırıq ki, bütün region sülh içində yaşasın, lakin bu cür insidentlər sülh prosesinə böyük maneə törədir.
"İstənilən müharibə, istənilən qarşıdurma, hər hansı xüsusi və hərbi əməliyyat, necə adlandırılmasından asılı olmayaraq, o qədər mürəkkəb, gözlənilməz bir prosesdir ki, həmişə böyük insan iztirablarına, hər iki tərəf üçün istisnasız olaraq dağıntılara və itkilərə səbəb olur. Bir çox insanlar yaxınlarını itirərək belə bir bədbəxtliklə üz-üzə dayanırlar.
Mən Qafqazdan olan bir insan kimi, İsrail və Azərbaycan xalqları arasında dostluğun təbliği ilə məşğul olan bir şəxs kimi bu gün Ermənistanla Azərbaycan arasında baş verənləri heç görmək istəməzdim. Mən istərdim ki, bütün region çiçəklənsin, insanlar sülh və əmin-amanlıq içində yaşasınlar. Ancaq təəssüf olsun ki, necə deyərlər, hər şey Uca Tanrının iradəsidir. Olan artıq olub və biz sadə insanlar olaraq hər zaman bu cür faciələri minimuma endirmək üçün əlimizdən gələni etməliyik”,-deyə o, əlavə edib.
Onun sözlərinə görə, Ermənistanın özünə gəldikdə, bu, həqiqətən də onlar üçün sərfəli olmayacaq:
"Burada mən bu hadisəni qınayan bir çox ekspertlərlə razıyam. Yenə də deyirəm, bu cür hadisələr, heç bir irəliləyişə və ya dəyişikliyə səbəb olmayacaq. Bütün bunlar, yaxşı nələrsə vəd etmir, əksinə, regionda Azərbaycan və Ermənistan arasındakı hazırda baş verən bütün vəziyyəti daha da gərginləşdirəcək ”.
Sonda ekspert fikirlərini bu sözlərlə tamamlayıb:
“Hərbi münaqişələr, müharibə, hərbi əməliyyatlar zamanı baş verənlərlə bağlı belə bir konvensiya hazırlanıb ki, orada hərbi əsirlərin hər hansı saxlanması, onlara işgəncə verilməsi beynəlxalq hüququn pozulmasıdır və ciddi humanitar nəticələrə səbəb olur. Bizdə müharibədən əvvəlki vəziyyət, müharibə dönəmindəki vəziyyətlər də var və hər kəs çox gərgindir. Burada ortaq bir vəziyyətimiz var. Bir şeyi deyə bilərəm ki, mən İsrailin xarici işlər naziri ilə şəxsən tanışam və əminəm ki, o, indi yanımda olsaydı, bu sualı ona verərdim. Təbii ki, o da belə bir şeyi pisləyəcək, çünki bizimlə Azərbaycan arasında həqiqətən çox dostluq münasibətləri var”.
Ülviyyə Şahin