Rusiya prezidenti Vladimir Putin və iranlı həmkarı İbrahim Rəisi şimal və cənubu birləşdirən beynəlxalq nəqliyyat dəhlizinin bir hissəsi olmaq üçün İranda dəmir yolunun maliyyələşdirilməsi və tikintisi haqqında saziş imzalayıblar.
Bu xətt Hindistan, İran, Rusiya, Azərbaycan və digər ölkələri dəmir yolu və dəniz yolu ilə birləşdirən beynəlxalq dəhliz olacaq.
Rusiya tərəfi deyir ki, bu dəhliz qlobal ticarət üçün əsas yol kimi və Misirin əsas ticarət yolu olan Süveyş kanalı ilə rəqabət apara bilər.
Putin əlavəsində qeyd edib ki, xətt Xəzər dənizi sahilində 162 kilometr uzanır və Baltik dənizindəki Rusiya limanlarını Hind okeanı və körfəzdəki İran limanları ilə birləşdirməyə kömək edəcək.
İran prezidenti İbrahim Rəisi də öz növbəsində bildirib ki, bu razılaşma, şübhəsiz Tehran və Moskva arasında əməkdaşlıq üçün mühüm və strateji addımdır.
Qərbin Rusiya və İrana qarşı sanksiyaları iki ölkəni siyasi və iqtisadi əlaqələrini gücləndirməyə sövq edib. Hər iki ölkə sanksiyaların əsaslı olmadığını bildirir.
Bəs, bu saziş regiona, xüsusən də Azərbaycana necə təsir edə bilər?
Keçmiş baş direktor və Ticarət Palatasının təsisçilərindən biri, israilli ekspert Dr.Arie Mişne Ednews-da açıqmalasında irəli sürülən sualı cavablandırıb.
Dr. Arie Mişne hesab edir ki, Azərbaycan Prezidenti İlham Əliyev qlobal nəqliyyat qovşağı olmasını və inkişaf etdirməyi ölkənin hədəflərindən biri kimi müəyyənləşdirib:
"Şimal-Cənub İTC-ni yerinə yetirmək bu hədəfin bir hissəsidir. Azərbaycan buna nail olmaq üçün ciddi səylər sərf edib".
Onun sözlərinə görə, Çin-Qazaxıstan-Azərbaycan/Naxçıvan-Türkiyə və s. dəhlizinin reallaşdırılması dünya logistika zəncirləri üçün daha vacibdir.
Ülviyyə Şahin
