ABŞ prezidenti Co Bayden çinli həmkarı Si Cinpini diktator adlandırıb.
Ağ Evin rəhbəri Kaliforniyada çıxışı zamanı ABŞ səmasında vurulan hava bolonundan danışarkən Cinpini yalan söyləməkdə günahlandırıb. Bildirib ki, Çin prezidenti hava balonunun orada olmasından xəbərsiz olduğunu deyir.
"Nə baş verdiyindən xəbərsiz olmaq diktatorlar üçün böyük biabırçılıqdır. Bu, baş verən yerdə olmamalı idi".
Co Bayden çinli həmkarını diktator adlandırmaqla nə demək istəyib? Çinin özü Çin prezidentini diktator kimi görürmü?
Cornell Universitetinin Dövlət Departamentinin dosenti və Çin siyasəti, eləcə də xarici siyasəti və Asiya təhlükəsizliyi ilə bağlı məsələlər üzrə ekspert Allen Karlson Ednews vasitəsilə bütün suallara aydınlıq gətirib.
A.Karlson bildirib ki, prezident Bayden tam olaraq söz ustası kimi reputasiyaya malik deyil, ona görə də bu, sadəcə olaraq, prezidentlin ağzında qaçırdığı bir kəlmə olub:
"Ancaq, deyildiyi kimi, son bir neçə ildə ABŞ siyasi dairələrində Çinlə bağlı ritorika oxşar terminologiya ətrafında dövrə vurub (baxmayaraq ki, ölkəni təsvir etmək üçün ən çox istifadə olunan termin "avtoritar rejimdir) və bu mənada Bayden dedikləri ilə sadəcə səsini xorla deyilənlərə əlavə edir. Üstəlik, bunu etməklə, öz administrasiyasının Amerika-Çin münasibətlərini sabitləşdirmək üçün son səylərinin daxili tənqidçilərini susdurmağa çalışır".
Siyasi ekspert əlavə edib ki, Çin xalqı prezidentini diktator kimi görmür:
“Görünür, Si Çin daxilindəki əksəriyyət tərəfindən geniş dəstək alır, baxmayaraq ki, Çinin daxilində müxalif fikirli insanlar da az deyil. (baxmayaraq ki, ilk növbədə ölkənin Sincan, Tibet və Honq Konq kimi ərazi periferiyasında).
Allen Karlson Çin xalqının ölkəni idarə edən diktatoru qəbul etməsinin səbəblərini də açıqlayıb:
“Bir çox səbəblər var ki, bunlardan da birincisi Si dövründə Çin iqtisadiyyatı çiçəklənməyə davam etdi və bunu ölkə daxilində çoxlarına fayda gətirən şəkildə oldu. İkincisi, onun administrasiyası Çin daxilində vətənpərvərlik və millətçi əhval-ruhiyyəni səylə təbliğ etdilər və bunu onun hakimiyyətinin legitimliyini möhkəmləndirəcək şəkildə baş verdi. Üçüncüsü, o, ölkə daxilində fərqli səslərin eşidilməsi üçün məkanı ciddi şəkildə məhdudlaşdırıb (senzura, müşahidə və həbslər vasitəsilə).”
Ülviyyə Şahin
.jpg)
