“Azərbaycan həqiqətən də Qoşulmama Hərəkatının işinə rəhbərlik etməkdə öz güclü sədaqətini və liderliyini nümayiş etdirdi ki, müxtəlif üzvlər qrupunun marağını saxlamaq da asan iş deyil”.
Bunu Ednews-a Eritreyanın BMT-dəki daimi nümayəndəsinin müavini Amanuel Giorgio Qoşulmama Hərəkatının həm Azərbaycanda, həm də üzv ölkələrdəki əhəmiyyətini şərh edərkən deyib.
A.Girogio qeyd edib ki, o, iyulun 5-dən 6-dək Bakıda keçirilən Qoşulmama Hərəkatının Koordinasiya Bürosunun Nazirlər Toplantısında və iyulun 3 və 4-də keçirilən yüksək vəzifəli məmurların görüşündən əvvəl Eritreyanın BMT-dəki daimi nümayəndəsi səfir Sofi Tesfamariamı müşayiət edib.
“1000-dən çox bənddən ibarət sənədin və bir çox digər sənədlərin uğurla qəbul edilməsi istiqamətində Azərbaycanın Nyu-Yorkda və Bakıda gördüyü dinamik işi xüsusilə qeyd etmək istərdim”, - deyə o əlavə edib.
Onun sözlərinə görə, Azərbaycan həqiqətən də Qoşulmama Hərəkatının işinə rəhbərlik etməkdə öz güclü sədaqətini və liderliyini nümayiş etdirdi ki, bu da 120 üzvü olan müxtəlif qrupun marağını saxlamaq asan deyil deməkdir:
“Bu, konsensus üzrə Qoşulmama Hərəkatı sənədinin qəbuluna qədər gedən danışıqlar prosesi boyunca diplomatik bacarıqlar və daha böyük səylər tələb edirdi. Həmrəylik və əməkdaşlıq ruhu ölkələrimiz üçün mühüm alət olaraq qalacaq, çünki 1955-ci ildə Bandunqda qoyulmuş təsis prinsipləri dövlətlərin suveren bərabərliyi, daxili işlərə qarışmamaq aqressiya və.s özündə cəmləşdirib”.
O vurğulayıb ki, mövcud qlobal çağırışlar davam etdikcə, təsisçi prinsiplər qüvvədə qalacaq:
"Çoxqütblü dünya nizamının təşviqində Qoşulmama Hərəkatının üzvləri arasında daha yaxşı əməkdaşlıq və həmrəylik üçün bir bağ yaranır".
Amanuel Giorgio Azərbaycan hökumətinə də minnətdarlığını bildirib:
“İcazə verin, bir daha Azərbaycan Respublikasına rəhbərliyinə və hökumətin hərəkatımıza sədrlik etdiyi dörd il ərzində göstərdiyi dəstəyə və fəaliyyəti dövründə görülən bütün yaxşı işlərə görə təşəkkürümü bildirim.”
Ülviyyə Şahin