Son zamanlar Ukraynanın cəbhədə geriləməsi və hərbi əməliyyatların ümidləri doğrultmadığı üçün, bəzi ölkələr artıq Ukraynadan üz döndərirlər.
Polşa ilə Ukrayna arasında da gərginlik artır. Almaniya Ukraynaya hərbi yardım göstərəməkdə çətinlik çəkdiyini vurğulayıb.
Bəs bundan sonra proseslər hansı məcrada davam edə bilər? Dünya ölkələri Ukraynanaya dəstək və yardım göstərməkdən imtina edərsə, vəziyyət hansı istiqamətdə dəyişə bilər?
Xarici ekspertlər bu barədə nə düşünür?
Sorğumuzu cavablayan OSINT analitiki və finlandiyalı hərbi tarix üzrə ekspert Emil Kastehelmi Ednews-a açıqlamasında xatırlatma edərək bildirib ki, Belarusiyayla Polşa arasında gərginlik artır:
“Məsələn, Belarusiya bu yaxınlarda Polşanın hava məkanını pozdu. Ukrayna və Polşa arasında ciddi fikir ayrılıqları yoxdur.
Finlandiyalı hərbi ekspertin sözlərinə görə, Qərb ölkələrinin əksəriyyətində Ukraynaya dəstək hələ də güclüdür:
“Müəyyən silah sistemləri ilə müəyyən mübarizələr olub, lakin hazırda Qərb Ukraynaya əvvəlkindən daha təkmilləşmiş şəkildə silahlar göndərir. Növbəti addım döyüş təyyarələri olacaq. Qərb Ukraynanın təlim və bəlkə də kəşfiyyat baxımından da köməyə ehtiyacı olduğunu görə bilər. Təbii ki, maddi yardım da lazımdır, lakin Qərb ölkələri Ukraynanın uğur qazanmasını istəyirlərsə, fərqli imkanlar baxımından daha əhatəli yanaşma olmalıdır.
“Bununla belə, bəzi ölkələr asanlıqla göndərilə bilən material ehtiyatlarını tükəndiriblər. Eyni məqamlara nəzərən yardım paketləri üçün yeni avadanlıqların istehsalı ilə bağlı danışıqlara ehtiyac ola bilər. Kifayət qədər artilleriya sursatı istehsalı baxımından da çətinlik var, lakin bu, Qərbin daim üzərində işlədiyi bir məsələdir”,- deyə Emil Kastehelmi yekunda vurğulayıb.
