BMT Baş Assambleyasına qatılmaq və müxtəlif təmaslar etmək üçün Nyu Yorkda olan prezident Rəcəb Tayyib Ərdoğan və Co Bayden görüşündə bir çox siyasi nüanslara toxunulacaq. İkitərəfli danışıqların mahiyyəti nədən ibarətdir?  Görüş zamanı əsasən  hansı məsələlər müzakirə olunacaq?

Məsələ ilə bağlı ehtiyatda olan türk general Yücel Karauz Ednews-a açıqlamasında bildirib ki, uzun müddətdir gözlənən iki tərəfli görüşdə prezidentlər kifayət qədər mövzuya toxunacaqlar:

“New York-da baş tutacaq BMT-nin Baş Assambleyasında Türkiyənin prezidenti Ərdoğan və ABŞ-ın prezidenti Co Bayden  ilə  müzakirə maddələr çoxdur. Öncəliklə demək istəyirəm ki,  taxıl dəhlizinin bərpası və Türkiyənin bu məsələdə aktiv rolu faza götürüləcək.  

Türkiyənin vasitəçiliyi ilə Rusiya-Ukrayna arasında olan müharibənin dayandırılmasına aid danışıqlar və əlavə olaraq sonuncu səfər Ərdoğan-Putin görüşü ilə bağlı yenidən danışıqlar proseslərinin müzakirəsi  olacaq.

Türkiyə üçün yeni F-16 modernizasiyası idxalı da əsas məsələrdən biridir.  

ABŞ ilə Türkiyəninin bir müddət münasibətlərinin pisləşməsinə səbəb olan Suriyada fəaliyyət göstərən terror təşkilatlarının və ümumi olaraq Suriyada baş verən hadisələrlə bağlı iri çaplı müzakirələri qeyd edə bilərik. Türkiyəyə qarşı Milli Müdafiə üçün silah sanksiyasının aradan qaldırılması üçün danışıqlar və ABŞ-ın Hindistanda yaratdığı yeni ticarət xəttinə aid nüanslarda mözvuların ən başında durur”. 

General son olaraq Türkiyənin miqrant problemlərində bu görüşün önəmli olduğunu vurğuluyur. Türkiyə Qərb ölkələrindən fərqli olaraq Rusiyaya qarşı olan sanksiyalara artıq Türkiyənin qatılmayacağı bildiriləcək. 

Xəyal Ramiz