“Azərbaycan mövcud problemin həllinə çalışdı, lakin erməni təxribatı bunun qeyri-mümkün olduğunu göstərdi”.
Bu sözləri ukraynalı siyasi və hərbi ekspert Vadim Tryuxan Ednews-a açıqlaması zamanı bildirib. Onun sözlərinə görə məsələnin tam həlli üçün Azərbaycana ideal siyasi şərait yaranıb:
“Təbii ki, ərazi bütövlüyünün tam şəkildə bərpası Azərbaycanın əsas məsələsidir. Azərbaycan bütün problemlərini diplomatik yolla, hərbi qüvvələrdən istifadə etmədən həll etməyin lazım olduğunu bilir, lakin təəssüf ki, hazırda bu variantın tamamilə qeyri-mümkün olduğu ortaya çıxdı. İndi bu məsələni birdəfəlik həll etmək üçün azərbaycanlılar üçün ən əlverişli xarici siyasi şərait yaranıb”.
Ekspert əlavə əlavə olaraq Ermənistan rəhbərliyinin Qarabağın itirilməsi faktı ilə barışdığını vurğulayıb:
“Üstəlik, mənə elə gəlir ki, Ermənistan rəhbərliyi Qarabağın itirilməsi faktı ilə artıq barışıb. Məsələ ondadır ki, onlar sadəcə bunu qəbullanmaq istəmirlər. Ona görə də, vətəndaş cəmiyyətinin simasında görünmək istəmirlər. Həm sona çatan, həm də humanitar xarakterli ikitərəfli münasibətlər ağrılı bir proses olacaq. Lakin xatırlamaq lazımdır ki, Cənubi Qafqaz həm ermənilərin həm də azərbaycanlıların ümumi evidir.
Şərh əsnasında bütün Ukrayna xalqının prosesə ümidlə yanaşdığını və böyük simpatiya bəslədiyini bildirib:
“Ukraynada insanların çoxu ümid edir ki, nəhayət Cənubi Qafqazda sülh bərqərar olacaq və Azərbaycan, Ermənistan xalqları arasında daha maneələr olmayacaq. Sözsüz bunu etmək asan olmayacaq, lakin beynəlxalq sülhməramlıların, ilk növbədə amerikalıların və avropalıların köməyi ilə bu məqsədə çatmaq mümkün deyil. Biz Ukraynada müharibənin nə olduğunu bilirik. Biz ailəmizi və dostlarımızı itirməyin nə olduğunu bilirik. Sülhün bərqərar olması üçün durmadan diplomatik yollar axtarmaq lazımdır”.
Sonda ukraynalı ekspert bu hadisənin tarixə düşəcəyini və universitetlərdə keçiriləcəyini söyləyib:
“Azərbaycanın öz ərazi bütövlüyünün bərpası məsələsini tam şəkildə başa çatdıra, həll edə bildiyi sürətdə tarixə düşəcək və aparılan antiterror tədbiri dünyanın hərb məktəblərində öyrəniləcək. Ondan təcrübə kimi istifadə ediləcək”.\
Əkbər Novruz
