Polşa Müdafiə Nazirliyi Belarusdan keçmək istəyən mühacirlərin ölkəyə daxil olmasının qarşısını almaq üçün ordunu əraziyə yerləşdirib. Məlumdur ki, Polşaya həm Belarusdan, həm də Ukraynadan xeyli sayda miqrant daxil olur. 

Polşa höküməti isə bunun qarşısını almaq üçün ciddi addımlar atmaq fikrindədir.

Bu səbəbdən Polşa ilə Belarus sərhədində hər hansı toqquşmalar gözlənilirmi? Hökümət mühacirlərə atəş aça bilərmi?

Məsələ ilə bağlı Bielefeld Universitetinin professoru, politoloq Daniel Toro qeyd edib ki, son dönəmlərdə Polşada sağçıların hakimiyyətə gəlməsindən sonra miqrant problemi paralel olaraq inkişaf edib.

 “Artıq bir neçə ildir ki, həm Belarus, həm də Ukrayna sərhədi qızğın meydana çevirib.

Ukrayna-Rusiya müharibəsi başladıqdan bəri Polşa Ukraynadan gələn miqrantlar üçün sərhədlərini açıq elan etmişdi. Digər tərəfdən isə Belarus ilə sərhədləri tamamilə bağladı.

Belarus rejimi Polşaya qarşı hibrid müharibə aparır, ölkəni və Aİ-də sabitliyi pozmaq üçün miqrasiyanı silahlandırır. Polşa hüquq-mühafizə orqanları ilə qaçqınlar arasında toqquşmalar “Belarus diktatoru” tərəfindən təşkil edilən təxribatlar kimi təqdim olunur. Çünki Belarusdan Polşaya gələnlər yalnız belaruslular deyil. Suriya, İraq, Yəmən, Əfqanıstan, Sudan, Eritreya, Qambiya, Kamerun və hətta Kubanın bir çox vətəndaşı Avropadan sığınacaq almaq ümidi ilə Belarusdan Polşaya keçməyə çalışır”.

Professor qeyd edir ki, böyük ehtimal ki yenidən toqquşmalar olacaq və daha şiddətli şəkildə amma bir başa miqrantların üzərinə atəş açılması ön görülmür.

Politoloq Belarusdan gələn miqrantları “qanunsuz miqrasiya” hesab edir və bunu milli təhlükəsizlik və Polşanın ərazi bütövlüyünün pozulması məsələsi kimi qələmə verir. 

Xəyal Ramiz