Ermənistanın Qərbpərəst siyasəti ilə hazırki  dönəmdə Qafqaz regionunda  qüvvələr balansı pozulmaqdadır. Bildiyimiz kimi 2000-ci illərdən Yaxın Şərqdə baş verən son proseslərdən sonra başda Suriya və İraq  olmaqla bir çox ölkə və region poliqona çevrilib. 
ABŞ və Rusiyanın Qafqaz regionunu poliqona  çevrilmə ehtimalı varmı?

Məsələ ilə bağlı Ağ partiyanın sədri  Tural Abbaslı Ednews-a açıqlamasında bildirib ki,  Cənubi Qafqaz regionun poliqona çevrilmə ehtimalının olması o qədər real deyil. 

“Çünki Qafqaz Suriya, İraq deyil və tarix boyuda olmayıb. Eyni zamanda ABŞ və digər ölkələrin poliqona çevirdiyi bu ərazilərdən fərqli olaraq ABŞ-ın təsir gücü Qafqazda  o qədər də böyük deyil. 

Əlbəttə ki, Qafqaz regionu həm təbii resurslarına, həm də siyasi əhəmiyyətinə görə “Böyük Güclərin” maraq dairəsindədir. Bunun səbəbilə bu ərazilərdə siyasi,hərbi münaqişələr cəhdləri ola bilər.

Həmçinin kütləvi sui-qəsdlər də baş verə bilər. Hansı ki, 1990-ci illərdə Ermənistan Parlamentində bu baş vermişdi. Lakin düşünürəm ki, Ukrayna  və Suriya da baş verdiyi münaqişələr bu regionda olmayacaq. Çünki balansı qorumaq üçün mərkəzi güclərin faktiki olaraq regionda olmaması və ya uzaq olması buna misaldır. Yəni güc balansının pozulması poliqonun əsas səbəbidir. Misal olaraq Soyuq müharibə dövründə ikiqütblü qlobal siyasətin olması isti müharibələrin olmamasına gətirib çıxarırdı. Cənubi Qafqazda isə Türkiyə başda olmaqla Rusiya və nisbətəndə İranın təsir gücü böyükdür”.

Xəyal Ramiz