İsrail və Həmas qruplaşması arasında Qəzza zolağında qanlı qarşıdurmanın yaranması mövcud siyasi proseslərə çox təsir etdi. Rusiya Fələstini, ABŞ və Qərb isə İsraili dəstəklədiyini bildirib.
Ekspertlərin fikrincə, bu gün planet III Dünya Müharibəsinin çox ciddi təhlükəsi ilə üz-üzədir. Bəzi siyasi analitiklər isə düşünür ki, belə təhlükə nüvə müharibəsinə də yol aça bilər, çünki bu gün bir çox ölkələr nüvə silahına sahibdir. Belə olduqda uduzan ölkə mütləq şəkildə qalib tərəfə qarşı nüvə silahından istifadə edə bilər.
Bu artıq 3 cü dünya müharibəsinin anonsudurmu? Həqiqətənmi nüvə müharibəsi təhlükəsi yarana bilərmi?
Ednews – a açıqlamasında siyasi ekspert, Azərbaycan - ABŞ İqtisadiyyat və Təhsil Şurasının baş direktoru və təsisçisi, BAMF-ın ABŞ-dakı nümayəndəsi Piter Teys, bu proqnozların olduqca dəqiq olduğunu deyib.
“Bu gün Vaşinqtonda ciddi sağlamlıq problemləri olan və dünyaya aydın mesaj verə bilməyən bir prezident var. Cəmi bir neçə həftə əvvəl Bayden – Harris administrasiyası İrana 6 milyard ABŞ dolları verdi və maraqlı bir şəkildə oktyabrın 7-də Yaxın Şərqdə tam miqyaslı müharibə baş verdi. Mövcud hadisələrə nəzər yetirsək ələxsus dünya üzərində geniş miqyaslı müharibə baş verə bilər. Ona görə də bütün dünya qüvvələri ola bildiyincə ehtiyatlı davranmalı və məsələnin diplomatik yolla həlli üçün hərəkətə başlamalıdır. Çünki bu nüvə müharibəsi dünya üçün heç də yaxşı olmayacaq”.
Amerikalı ekspert ABŞ – ın son 3 il ərzində qlobal məsələlərdə çox zəif olduğunu da vurğulayıb:
“Birləşmiş Ştatlar son üç il ərzində qlobal məsələlərdə çox zəif olduğunu nümayiş etdirdi. Bu tendensiya da ciddi təhlükəsizlik fəsadları və əvvəllər heç olmadığı qədər artan terror təhdidləri ilə bütün dünyada əks olundu. Əfqanıstanda tərk edilmiş ABŞ istehsalı silahlar var və bu silahlardan HƏMAS terrorçuları İsrailin suveren ərazisində İsrail mülki əhalisinə qarşı son hücumlar zamanı istifadə ediblər. Qeyd edim ki, Yaxın Şərq və Qərbi Afrika dövlətlərində baş verən son böhran zamanı Aİ əhəmiyyətsiz hala düşüb”.
Əkbər Novruz
