Rusiya Xarici İşlər Nazirliyinin sözçüsü Mariya Zaxarova Rusiya-Türkiyə əməkdaşlığının görünməmiş səviyyəyə çatdığını bildirib. Mariya Zaxarova çıxışda qeyd edirb ki, dinamik olaraq inkişaf edən ikitərəfli münasibətlər bir çox fundamental məsələlərə əsaslanır.
Hazırda Türkiyə-Rusiya münasibətləri necədir ? Rusiya Türkiyənin xarici siyasətini dəyişdiyini düşünürmü? Ankara Moskvadan əmədaşlığı hansı sferada irəlləyir? İki ölkə arasında əməkdaşlıq sahələri hansılardır?
Məsələ ilə bağlı Türkiyəli siyasi ekspert Məhəmməd Kutlu Ednews-a açıqlamasında bildirib ki, Rusiya Türkiyəni Qərb aktyoru kimi görmür:
“Prezident Ərdoğan və Rusiya prezidenti Putin arasında vurğulanan “ səmimi münasibətlər ” və iki ölkə arasında olan münasibətlərin istiqamətinin müəyyənləşdirilməsində “qarşılıqlı etimad hissi”nin oynadığı kritik rol yeni pəncərələr açaçaq. Qərb dövlətlərinin Moskva üçün şübhəli təşəbbüslərinə baxmayaraq, Rusiya Türkiyənin xarici siyasət yanaşmasını yüksək qiymətləndirir. Bu vəziyyət Moskvanın Ankaraya və onun təşəbbüslərinə əhəmiyyət verməsinin göstəricisi kimi qiymətləndirilə bilər. Rusiyan;n XIN-i Lavrov qiymətləndirmələrinə başlayarkən iki ölkə arasında ticarət dövriyyəsini artırmaq üçün addımlar atmaq istədiklərini, xüsusilə son zamanlar ənənəvi hal alan enerji, turizm və kənd təsərrüfatı sahələrində üstünlük təşkil edən ənənəvi diskursun əksi və zərurət olduğunu vurğulayıb. Lavrovun buna nail olmaq üçün Qərb ölkələrinin maneələrinə baxmayaraq irəliləməyə davam edəcəkləri barədə bəyanatı Ankaraya göndərilən əminlik və sorğu-sual mesajı kimi oxunmalıdır”.
Ekspert iqtisadi əməkdaşlığın siyasətə böyük təsir etdiyini vurğulayıb:
“Ankaranın neft idxalı ötən il iki dəfədən çox artıb. Təbii qaz axını isə fasiləsiz davam edir. Nüvə sahəsində əməkdaşlıq tam sürətlə davam edir.
Türkiyənin bir ilə yaxındır Rusiyanın dünyaya açılan qapısı olması Ankara üçün müsbət məqamlardandır. Bu vəziyyət problemli məsələlərin arxa planda saxlandığına, ticarət-iqtisadi münasibətlərin ön plana çəkilərək “yarı dolu stəkan” prinsipi əsasında həyata keçirildiyinə dəlalət edir. Ankara Rusiyanı marginallaşdırmadan regional sistem daxilində saxlamaqla onu tarazlaşdıracaq iqtisadi, siyasi və hərbi balans yaratmalı, Qərb aktoru kimi mövqeyini gücləndirməlidir”.
Xəyal Ramiz
