Fələstin-İsrail münaqişəsi ətrafında baş verən son hadisələr olduqca qarışıqdır. Suriya və İraqda davam edən Vətəndaş müharibəsi, İsrail-Fələstin müniqişəsi, terror qruplaşmaları və s. kimi proseslər regionu daha bulandırıb. Regiondakı isti müharibə vəziyyəti ilə yanaşı bir çox dövlətlərin diplomatik strateji həmlələridə geosiyasətdə maraq oyandırır. Böyük şahmat oyunçuları əsasən ABŞ-Türkiyə və Rusiyadır.
Məsələ ilə bağlı rusiyalı hərbi ekspert İqor Korotçenko Ednews-a açıqlamasında bildirib ki, ABŞ-ın eyni hərbi blokda olmasına baxmayaraq, Yaxın Şərq siyasətini həyata keçirərkən Türkiyəyə qarşı son dərəcə soyuqdur:
“ABŞ-ın bölgəyə təyyarədaşıyan gəmisini yerləşdirməsi ilə bağlı “Bu, həm Suriya, İran, Türkiyə və digər dövlətlərə ABŞ-ın HƏMAS-a dəstək verməyə cəhd edənlərə qarşı hərbi güc tətbiq etməkdən çəkinməyəcəyinə dair bir siqnaldır. ABŞ Yaxın Şərqdə İsrailə hərtərəfli dəstək verməklə milli maraqlarını güdür. Ona görə də onlar hərbi cəhətdən lazım bildikləri hər şeyi edəcəklər. ABŞ-ın təyyarədaşıyan gəmisinin mövcudluğu, əlbəttə ki, HƏMAS-ı dəstəkləyən bütün tərəflərə qarşı hərbi güc tətbiq edən İsrailə dəstək baxımından əhəmiyyətli bir hərəkətdir
Ekspert əlavə edir ki, ABŞ-Türkiyə münasibətləri ürəkaçan deyil:
“ABŞ-ın eyni hərbi blokda olmasına baxmayaraq, öz Yaxın Şərq siyasətini həyata keçirərkən Türkiyəyə qarşı son dərəcə sərt olduğunu qeyd etmək istəyirəm. ABŞ-ın hərəkətləri göstərir ki, Türkiyə ilə müttəfiqlik münasibətlərini ancaq dırnaq içərisində demək olar. ABŞ həmişə öz milli maraqlarını düşünür.
Bəli, ABŞ və Türkiyə eyni hərbi blokda, NATO-dadır, lakin Vaşinqtonun bütün siyasəti praktiki olaraq Ankaranın maraqlarına ziddir. ABŞ istədiyi vaxt hərbi çevrilişə cəhd edə bilər.
Son olaraq ekspert qeyd edib ki, Türkiyə Rusiyaya ABŞ-dan daha yaxındır:
“Türkiyənin Rusiya ilə ABŞ-dan daha çox yaxınlaşma nöqtəsi və ortaq maraqları var.
Aydındır ki, Ərdoğan Bayden administrasiyası üçün son dərəcə əlverişsiz bir siyasətçidir. Çünki onu manipulyasiya etmək olmur.
Ona görə də amerikalıların Türkiyəyə qarşı destruktiv hərəkətləri davam edəcək.
Türkiyə və Rusiya Yaxın Şərqdəki münaqişə ilə bağlı eyni mövqedən çıxış edirlər. “Mənə görə, bu onu göstərir ki, Türkiyə ilə Rusiya arasında Türkiyə və ABŞ arasında olduğundan daha çox yaxınlaşma və ortaq maraqlar var”.
Xəyal Ramiz
