Almaniyanın xarici işlər naziri Annalena Berbok bu həftə İrəvana və Bakıya səfər edəcək. Məqsəd Azərbaycanın Qarabağa nəzarəti bərpa etməsindən sonra tərəflər arasında sülh danışıqlarını dəstəkləməkdir. Rusiyanın regiondakı zəif təsirindən sonra Fransa başda olmaqla bir çox ölkələrin sülhü qorumaq adı ilə Cənubi Qafqaza müdaxiləsi artıb. Almaniyanın hər iki Qafqaz ölkəsi üçün sülh yaratmaq siyasəti nəyə əsaslanır?
Məsələ ilə bağlı deputat Razi Nurullayev Ednews-a açıqlamasında Almaniyanın digər Avropa ölkələri kimi ikili standart aparmadığını qeyd edib:
“Almaniya XİN Bakıya və İrəvana səfəri sülh prosesi ilə bağlı danışıqlar aparmaq, tərəflərin mövqelərini yaxınlaşdırmaq və eyni zamanda Almaniya dövlətinin həm region, həm də Ermənistan ilə Azərbaycan arasında olan öz mövqeyini sərgiləməkdir.
Ümumilikdə Almaniya Azərbaycan arasında mühim iqtisadi tərəfdaşlıq mövcuddur və ilk dönəmdən bəri Almaniya ölkəmizin ərazi bütövlüyünü tanıyıb. Həmçinin Fransa ilə müqayisədə ümumiyyətlə Almanya öz sərt davranışları ilə yadımızda qalmayıb.
Lakin yaxın zamanlarda Almaniya Bundestaqının Xarici Əlaqələr Komitəsinin sədri Azərbaycanla bağlı sərt fikirlər səsləndirib.
Bu çıxışları Avropa Parlamentinin bəyanatları nəzdində qiymətləndirirəm. Bəyanatın Azərbaycan və Almaniya arasındakı aktuaıl sülh məsələsinə təsir etməyəcək. Məsələ ilə əlaqədar Azərbaycan XİN tərəfindən bəyanata sərt cavablar verildi”.
Deputat vurğulayır ki, Hazırda Almaniya XİN hər iki Qazqaz ölkəsinə səfəri çərçivəsində regionda baş verən reallıqların və geosiyasətin dəyişdirilməsində böyük təsir gücünə malik deyil:
“Fikirlərimə əsasən demək istəyirəm ki, ABŞ və Qərb ölkələri belə bir düşüncə yaranıb ki, Rusiya Ermənistana arxa çevirib və bundan istifadə edən Azərbaycan elə Rusiyanında maraqlarına cavab verdiyinə görə Zəngəzur dəhlizini hərbi yolla ələ keçirmək istəyir.
Azərbaycan isə dəfələrlə bağlı öz mövqeyini açıqlayıb.
Almaniya və Qərb ölkələri Ermənistan ilə Azərbaycan arasında bağlanacaq hər hansı sülh müqaviləsinin tezləşməyini istəyir.
Lakin mən belə düşünürəm ki, Azərbaycan bu məsələdə ona görə tələsməməlidir ki, çünki ortada hələ anklavlar məsələsi var.
Sərhədlər hələ delimikasiyası və delimitasiyası olunmayıb və Ermənistan düşünür ki, Azərbaycan onların ərazilərinə daxil olub. Tələm-tələsik sülh müqaviləsinin bağlanması Azərbaycanın maraqlarına uyğun deyil. Təbii ki, Azərbaycan öz mövqeyini saxlayaraq bütün sülhü yaradan bütün alternativləri nəzərdən keçirək”.
Xəyal Ramiz