Rusiyanın Cənubi Qafqazda əsas müttəfiqi olan Ermənistanla münasibətlərinin pisləşməsi, Paşinyanın irəli sürdüyü qərbyönümlü siyasəti ölkəni demək olar ki, təhlükəli yola salıb. Ermənistanın illərlə Rusiyadan asılılığı hazırda ona çətinliklər yaradır. Rusiya öz növbəsində Ermənistana təzyiq göstərsə də, hələki hərəkət mexanizmini işə salmayıb.
Ermənistan Rusiyanın Ukraynada müharibə aparmasını, Qərbin ona qarşı tətbiq etdiyi sanksiyalardan zəiflədiyini düşünərək ona arxa çevirməyə başladı. Əlbəttə ki, Ermənistan bunu tək başına deyil, arxasında dayanan qüvvələrə arxayın olaraq edir. 
Diqqət çəkən məqam isə Ermənistanın son zamanlar Ukrayna ilə qurduğu sıx münasibətlərdir. Bəzi siyasi ekspertlər Rusiyanın illərlə regionda onun “işlərini” görən Ermənistanı itirmək istəmədiyini bəyan edir, məhz bu səbəbə görə də o hələ də hadisələri seyrici qismində qalmağa üstünlük verir.
Məsələ ilə bağlı Ednews-a danışan Beynəlxalq Davamlı Sülh və İnkişaf Fondunun (IFSPD) vitse-prezidenti, rusiyalı politoloq Mixail Zernov bildirib ki, hər iki ölkəni idarə edən mənbə bir şər qüvvədir.
“Bu şər qüvvədə Avropa Birliyidir. Bu,  Adolf Hitlerin həyatə keçən arzusudur. Hazırda isə bu birliyə Paşinyan da qoşulub. O hər bir vəziyyətdə hakimiyyəti əlində saxlamaq istəyir. Paşinyan hakimiyyətini qorumaq üçün məhz belə bir vasitəyə əl atıb. Mən düşünürəm ki, hədəfləri dəyişdirmək lazımdır. Ermənistan Rusiyadan çoxdan uzaqlaşıb, ölkədə hətta bütün rus məktəbləri bağlanıb”.
Sonda ekspert bildirib ki, hazırda Rusiyanın tərəfdaşı məhz Türk ölkələridir.
“Hazırda bizim strateji və geosiyasi tərəfdaşlarımız Türk dünyasıdır. Əgər biz iki nəhəng- Rusiya- Türk gücünü, xalqlarını birləşdirsək heç kim bizə qarşı çıxa bilməyəcək”.

Afaq Qurbanzadə