Ermənistan mediasında paylaşılan məlumatlara əsasən, İrəvanın siyasi dairələri gələn il növbədənkənar parlament seçkilərinin keçirilməsini aktiv şəkildə müzakirə ediblər. Mövzu hakimiyyət tərəfindən də gündəmə gətirilib.
Mediada yazılanlara görə, Paşinyan parlamentdə müzakirə zamanı, müxalifət partiyaya açıq şəkildə, “elə etməyin ki, yenidən növbədənkənar seçkilər edib, təkrar hakimiyyətimə gəlim. Onda indiki görkəmli parlamentimizi kökündən dəyişəcəm”, - deyə söyləyib. Media əlavə edib ki, Paşinyanın bu cür davranmaqda məqsədi öz hakimiyyətini möhkəmlədib, ona qarşı müxalif qurumları aradan qaldırmaqdır.
Paşinyan bu niyyətini həyata keçirib növbədənkənar seçkilərə gedə bilərmi?
Siyasi fəal İşxan Verdiyan Ednews – a açıqlamasında bildirib ki,hazırda Ermənistanda güclü müxalifət yoxdur. O, həm də hesab edir ki, Paşinyan növbədənkənar seçkilərə getməyəcək.
“Nikol Paşinyan, inamla Ermənistan vətəndaşlarının bir çoxunun rəğbətini qoruyub saxlamaqda davam edir. Müxalifət isə hökümətin Rusiyaya qarşı tutduğu mövqedən narahatlığını bildirirək, mitinqlər keçirir və bu da xaosa səbəb olur. Xalqın rəğbəti açıq şəkildə baş nazirin tərəfindədir və bunda müxalifətin özünün xalqa ikrah doğuran obrazı mühüm rol oynayır. Əgər ölkədə real siyasi müxalifət olsaydı, bəlkə də Nikol Paşinyan “erkən seçkilərə getmək” ittihamını söyləmədən ikinci dəfə düşünərdi. Bununla belə, o, seçkilərdə korrupsiya və banditizmlə məşğul olan qüvvələr tərəfindən qarşı-qarşıyadır. Paşinyan isə bu mübarizədə özünü yalnız hiss edir.
Paşinyan növbədənkənar seçkilərə getməyəcək, çünki buna ehtiyac duymur. Ölkədə növbədənkənar seçkilərə ictimai tələbat da yoxdur və Paşinyan çətin ki, bu açıqlaması ilə ölkəni stress altına salsın. Xatırladım ki, o, artıq iki dəfə növbədənkənar seçkilərdə qalib gəlib və üçüncü seçkini təşkil etməsinə ehtiyac yoxdur, artıq olanlar hamıya məlumdur. Onun bu açıqlması isə sadəcə hazırki müxalifətin bacarıqsızlığını bəyan edərək özünü tərifləməsidir. Xalq seçkidə Paşinyanla “quldurlar” arasında qalsa, istər-istəməz Paşinyanı seçəcək”.
Cənubi Qafqaz regionu üzrə siyasi ekspert Arnold Stepanyan isə açıqlamasında, müxalifətin əlində güclü “kozur” olduğunu söyləyib. O, hesab edir ki, Ermənistanın xarici siyasətdəki hazırki kursu sağlam arqument kimi istifadə edilə bilər.
“Ermənistan Milli Assambleyasına növbədənkənar seçkilər məsələsi fəal müzakirə olunmur. Baxmayaraq ki, bu ssenarini istisna etmək olmaz. Əslində hər şey ölkədəki daxili siyasi gündəmdən asılıdır. Bu gün bunu əsasən xarici siyasətdəki proseslər diktə edir. Ən mühüm arqument kimi hüquqi çərçivədən kənara çıxaraq, mövcud hakimiyyətin xarici siyasət əməkdaşlığının şaxələndirilməsi kursuna fəal müxalifət olmaq ola bilər. Aydındır ki, Ermənistanın Rusiyaya yönəlməsinin tərəfdarı olan Köçəryan və Sarkisyanın siyasi qrupları Rusiyanın maraqlarına zidd olaraq Ermənistanın Qərb dövlətləri ilə əməkdaşlığının dərinləşməsinə mane olmağa çalışacaqlar. Paşinyanın isə yenidən seçilmək və yeni müxalifət gətirməklə hədələməsinə gəlincə isə düşünürəm bu, onun üslubu deyil. O, demokratik seçkilər yolu ilə seçilən, demokratiya prinsiplərinə inanan, praktikada demokratiyanın necə işlədiyini anlayan bir liderdir”.
Əkbər Novruz
