Qazaxıstanda “Birleştik-2024” adlı hərbi təlim keçirilib. 2024-cü il hərbi təlimləri və Türkiyə hərbi əməkdaşlığının gələcək perspektivləri necədir? Təlimlər nəyə yönəlib və Türkiyə dövlətləri üçün nə dərəcədə əhəmiyyətlidir?

Məsələ ilə bağlı ehtiyatda olan türkiyəli general Yücel Karauz Ednews-a açıqlamasında bildirib ki, hər baxımından “Birleştik-2024” ölkələrimiz üçün çox önəmlidir:

“Hərbi təlimlər sülhdə və müharibədə dövlətlərin silahlı qüvvələrinin qarşılıqlı kordinasiya, ortaq təhdidlərə qarşı birgə proqnoz və bu təhdidlərə qarşı tədbirlər görülməsini ortaya qoyan fəaliyyətlərdir. Təbii ki,  bu  Türk ölkələri arasında həyata keçirilən müştərək hərbi təlimlər şəklində və ya yalnız qarada və dənizdə ola bilər. Qazaxıstanda keçirilən “Birleştik-2024”  hərbi təlimi dediyim sferalardan baxdığımız zaman çox önəmli hesab olunur. Cənab Prezident İlham Əliyevin dediyi kimi “Bir ailəmiz var, oda Türk dövlətləri ailəsidir”. Dünyada artan təhdid və riskləri də görərək, 3-cü dünya müharibəsinin başlaması ərəfəsində bu cür hərbi təlimlərin bizi həm müharibə vaxtında, həm də sülh dövründə stabil və güclü tutacaq”. 

General əlavə olaraq qeyd edib ki, Türkiyə və Azərbaycan arasında il ərzində 25-ə yaxın hərbi təlim keçirilib:

“Həmçinin təlimə qatılan ölkələr, təlimdə göstərilən performans və oradakı birgə coşqu son dərəcə mühim idi.  Türk Təşkilatına üzv olan dövlətlər bir-biriləri ilə həmçinin ikili təlimlər də keçirirlər. “Birleştik-2024”  hərbi təlimi Mərkəzi Asiya ilə Qafqaz arasında bağlantını gücləndirəcək. Təlim təhdidlərin olduğu bu regionda önəmli boşluğu dolduracaqdır. Türkiyə-Azərbaycan arasında ilə təxminən 25 hərbi təlim olur və digər türk ölkələri ilə də təlimlərin sayının artırılması təhlükəsizlik baxımından böyük müsbətdir”.

Xəyal Ramiz