Gürcüstanın xüsusi xidmət orqanları İvanişviliyə qarşı ukraynalıların iştirakı ilə sui-qəsd hazırlandığını bəyan edib. Bu  barədə "gordonua.com" nəşri məlumat yayıb. Onların bildirdiyinə görə, sabiq gürcü məmurları və Ukrayna hüquq-mühafizə orqanlarının sabiq əməkdaşları İvanişvilini öldürmək istəyib. Əgər deyilənlər doğrudursa, Qərb Gürcüstanı qarışdırmaq planından niyə hələ də əl çəkmir?

Məsələ ilə bağlı gürcü politoloq Gia Xuxaşvili Ednews-a açıqlamasında qeyd edib ki, baş verən hadisə ilə bağlı az məlumatımız var:

“Təəssüf ki, bu hadisə haqqında çox az məlumat var.  Üstəlik, sirr deyil ki, indiki halda xüsusi xidmət orqanlarının bu cür açıqlamalarına, yumşaq dildə desək, inam azdır.  Qəribədir ki, bu işə qarışan şəxslər dindirilməyə gedir, dindirilmədən də sakit çıxır, məxfilik müqaviləsi ilə hadisələr kənardan belə araşdırılmadan sakitcə evə gediblər. Buna görə də ictimaiyyətin böyük bir hissəsi bu araşdırmanı qarşıdan gələn seçkilərlə əlaqələndirir.  2012-ci ildən bu yana planlaşdırılan çevrilişlə bağlı dörd dəfə cinayət işi qaldırılıb.  Bütün bunlar seçkilərdən əvvəl idi və heç biri nəticə vermədi. Seçkilərdən sonra hamı bunları unudub.  Ona görə də bu yeni araşdırmaya maraq çox zəifdir”.

Xəyal Ramiz