Paşinyan rus sərhədçilərini ölkədən çıxarır. Rusiya sərhədçiləri sabahdan etibarən Zvarnots hava limanında vəzifə yerinə yetirməyəcəklər. Ermənistan bu qərarı niyə illər sonra verir? Məqsəd nədir? Bu hadisə regionda sülhə xələl gətirəcəkmi?
Məsələ ilə bağlı rusiyalı politoloq Sergey Stankeviç Ednews-a açıqlamasında bildirib ki, bu addım normallaşdırılma kimi qiymətləndirilməlidir:
“Rus sərhədçilərinin Zvarnots hava limanında vəzifəsinin bitəcəyi yazdan məlum idi. Onların hava limanında qalması ilə bağlı müqavilənin müddəti başa çatıb və uzadılmayıb. Bu addım böhran yox, normallaşma kimi qiymətləndirilməlidir. Yaxın zamanda Azərbaycan və Ermənistan arasında imzalanan sülh müqaviləsindən sonra İravən öz sərhədlərini müstəqil şəkildə qoruya biləcək. Onun üçün ən önəmlisi odur ki, Rusiya ordusu başqa ölkələrin ordusu ilə əvəzlənməsin. Bu, Kreml üçün həyəcan siqnalı olardı”.
Xəyal Ramiz
