Dağlıq Qarabağ münaqişəsi Azərbaycanın ərazi bütövlüyü çərçivəsində həll olunmalıdır - Türk Şurasının Baş katibi | Eurasia Diary - ednews.net

20 Oktyabr, Çərşənbə axşamı


Dağlıq Qarabağ münaqişəsi Azərbaycanın ərazi bütövlüyü çərçivəsində həll olunmalıdır - Türk Şurasının Baş katibi

Siyasət A- A A+

Türk Şurasının Baş katibi Bağdad Amreyev Azərbaycan-Ermənistan qoşunların təmas xəttində gərginliklə bağlı bəyanat yayıb.

Eurasia Diary APA-ya istinadən xəbər verir ki, bu barədə təşkilatın rəsmi saytında məlumat verilib.

“Türk Şurasının Baş katibi Bağdad Amreyev Azərbaycan Respublikasının işğal olunmuş ərazilərindəki silahlı qarşıdurmalardan dərin narahatlığını bildirir.

Türk Şurası beynəlxalq hüququn norma və prinsiplərinə sadiq olduğunu bir daha təsdiqləyərək Ermənistan-Azərbaycan Dağlıq Qarabağ münaqişəsinin təcili olaraq Azərbaycan Respublikasının suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı əsasında həll olunmasının vacibliyini bir daha vurğulayır.

Bu çərçivədə Türk Şurası BMT Təhlükəsizlik Şurasının 1993-cü ildə qəbul etdiyi qətnamələrdə Ermənistan silahlı qüvvələrini Azərbaycan Respublikasının bütün işğal olunmuş ərazilərindən dərhal, qeyd-şərtsiz və tam şəkildə geri çəkilməyə çağırdığını xatırladır.

Baş katib qarşıdurmada həyatını itirənlər üçün Azərbaycan xalqına başsağlığı verir və yaralıların tezliklə sağalmasını diləyir”, - deyə bəyanatda bildirilib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...