Qərbin planı Ermənistanı Rusiyadan qopara biləcəkmi? - ednews.net

30 Noyabr, Çərşənbə

(+994 50) 229-39-11

Qərbin planı Ermənistanı Rusiyadan qopara biləcəkmi?

Siyasət A- A A+
ABŞ Ermənistanda Qazprom Ermənistan və Elektrik Şəbəkələri müəssisələri, habelə digər şirkətlər və sənaye mülklərini ələ almaq niyyətindədir.
 
Erməni mətbuatının məlumatına görə, ABŞ Nümayindələr Palatasının rəhbəri Nensi Pelosinin Ermənistana səfəri zaman ABŞ rəsmiləri və Paşinyan hakimiyyətinin nümayindələri arasında gizli görüş keçirilib. Görüşdə ABŞ-ın maliyyə vəsaitlərinin köməyi ilə bu ölkədə bir çox sənaye və istehsal müəssisələrinin Qərbə yaxınlığı ilə seçilən şəxslər tərəfindən alınması əsas mövzu olaraq nəzərdən keçirilib.
 
Məsələdən xəbərdar olan bəzi ekspertlər iddia edirlər ki, bu kimi görüşlər ABŞ-ın Ermənistanı Rusiyanın təsir dairəsindən çıxarması və bu ölkədə anti-İran platformasının formalaşdırılması üçün nəzərdə tutulub. 
 
Məsələ ilə bağlı Ednews-a şərh verən iqtisadçı Pərviz Heydər hesab edib ki, Vaşinqton Ermənistanda iqtisadi strukturları, eləcə də siyasi hakimiyyətinə bütövlükdə sahib olmaq niyyəti güdür. 
 
“ABŞ –ın Cənubi Qafqaz ilə bağlı siyasətində son proseslər Vaşinqton, həqiqətən bu regionu, xüsusilə Ermənistanı açıq-aşkar şəkildə ələ almağa çalışdığını göstərir. Bunu başa düşmək üçün Amerika rəhbərliyinin Ermənistana son diplomatik yanaşmalarını nəzərdən keçirmək yetərlidir. Ancaq bu ölkənin Qərb tərəfindən asanlıqla ələ alınmasını düşünmək sadəlövlük olardı. Ermənistan iqtisadiyyatı Rusiyaya o qədər inteqrasiya olunub ki, onun qurtuluşu, yenidən formalaşması və bərpa olunması hələki müşkil məsələ kimi görünür. Daha doğrusunu desək, Ermənistanın xələfləri demək olar ki, ölkənin iqtisadiyyatını Rusiyaya təhvil veriblər. Belə olan halda rus şirkətlərinin, istər dövlət , istər özəl olsun, Ermənistandan birdəfəlik əl çəkib kənar durması heç bir vəchlə mümkün deyil. Bu ölkənin nəqliyyat infrastrukturundan tutmuş istehsal, elektrik və enerji müəssisələrinə qədər rus şirkətlərinin investisiyalarının, subsidiyalarının və dotasiyalarının təsiri altındadır. Məhz bu səbəblərə görə, ABŞ və ya hər hansı Qərb ölkəsinin Ermənistan iqtisadiyyatına sahiblənmək istəyi asan başa gəlməyəcək”.  
 
Eyni zamanda Pərviz Heydərov qeyd edib ki, Ermənistan digər kasıb ölkələr kimi zəngin ölkələrin maliyyə vəsaitlərinə ehtiyacı var. 
“Hansı ölkənin pulu çoxdursa, onun kasıb ölkələrə qapısı hər zaman açıqdır. Zəngin ölkələr Ermənistan və ona bənzər ölkələrdə investisiyalar yatırmaqla daxili iqtisadiyyata hökmranlıq edə bilərlər. Bu o qədər də problemli məsələ deyil. Qərb ölkələri post-sovet ölkələrinin bir çoxunda investisiyalar yatırır, bu ölkələrin iqtisadiyyatında söz sahibi olmaq istəkləri daha tez reallaşa bilər”.


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...