Silahlılar Qarabağda toplaşmağa başlayıb - Erməni iddialarının GİZLİ MƏQAMLARI - ednews.net

4 Fevral, Şənbə

(+994 50) 229-39-11

Silahlılar Qarabağda toplaşmağa başlayıb - Erməni iddialarının GİZLİ MƏQAMLARI

Siyasət A- A A+
Erməni mediasının yaydığı məlumatına görə, Qarabağda erməni silahlı birləşmələri sürətlə silahlanır və hərbi təlimlər həyata keçirirlər. 
 
Ümumiyyətlə son zamanlar rus sülhməramlılarının müvəqqəti nəzarəti altında olan ərazilərdə qanunsuz erməni silahlı dəstələri mütəmadi olaraq Azərbaycan ordusunun mövqelərini atəşə tuturlar.
 
Qarabağda son prosesləri təhlil edən bəzi ekspertlər yaxın zamanda bölgədə növbəti hərbi əməliyyatların, daha doğrusu geniş itkilərə səbəb olacak toqquşmaların baş verəcəyini iddia edilər. 
 
Məsələ ilə bağlı Ednews-a açıqlamasında politoloq Natiq Miri də Azərbaycan ordusu tərəfindən Qarabağda anti-terror əməliyyatlarının həyata keçiriləcəyini ehtimal edib. Söhbət zamanı o, qeyd edib ki, bu əməliyyatlarda bir sıra önəmli strateji nöqtələr nəzarətə götürüləcək.  
 
“Hesab edirəm ki, ərazilərimizdə yerləşən erməni silahlı  birləşmələri Azərbaycan ordusu ilə ciddi hərbi qarşıdurmaya gəlmək gücündə deyil. Yüksək potensiala və qüdrətə malik olan Azərbaycan Silahlı Qüvvələri həmin erməni terrorçularını qısa zamanda mühasirəyə alıb məhv edər. Son proseslər göstərir ki, ermənilərin təxribatları çox da uzun davam edə bilməz. Hər bir problemin öz sərhədi var. Azərbaycan rəhbərliyi qısa müddət ərzində ordunu hərəkətə gətirəcək və bütün qanunsuz silahlı ünsürlər zərərsizləşdiriləcək. Bu əməliyyatlar çərçivəsində ilkin növbədə ordumuz Laçın dəhlizini nəzarətə götürəcək. Bu dəhliz ətrafında mövqelərimizi qurmaqla Ermənistandan Qarabağa silah-sursatın daşınmasına, o cümlədən Ermənistanın və xarici ölkələrin təxribatçılarının bölgəyə qanunsuz səfərlərinə birdəfəlik son qoyulacaq. Azərbaycan ordusu özünü müdafiə hüququndan istifadə edərək beynəlxalq hüququn təmin edilməsi istiqamətində öz ərazisində hərbi əməliyyatlar həyata keçirməsində heç bir şübhə ola bilməz”. 
 
Rusiyanın erməniləri təxribatlar törətməyə təhrik etməklə Azərbaycanı tələyə salmağa çalışması ilə bağlı iddialara fikir bildirən Natiq Miri bildirib ki, Rusiya hər zaman Cənubi Qafqaz regionunda milli qarşıdurmaların və toqquşmaların olmasında maraqlı olub. 
 
“Moskva Qarabağda elə bir vəziyyət yaradıb ki, sanki orada sülhü təmin etmək üçün rus sülhməramlılarının varlığı zərurət yaradır.  Qarabağda Rusiyasız heç bir şeyin mümkün olmayacağını görüntüsünü yaratmağa çalışan rus sülhməramlıları ərazilərimizdə separatçı ünsürlərin silahlanmasına imkan yaradır, bununla belə onları Azərbaycan ordusuna qarşı hərəkətə gətizdirir. Sülhün və sabitliyin dalana dirənməsi, təxribat xarakterli problemlərin artması Rusiyanın regionda geosiyasi maraqlarına xidmət edir. Heç bir statusa malik olmayan rus sülhməramlıların fəaliyyəti Azərbaycan üzərində siyasi təzyiq alətidir. Rusiya Qarabağ məsələsinin tam həll edilməməsi üçün separatçı rejimin varlığını qoruyur, onu hər bir vasitə ilə təmin edir. Ona görə də iki il ərzində Ermənistan ordusunun qalıqlarının və separatçı silahlı birləşmələrinin təkisilah edilməsi istiqamətində Rusiya heç bir ciddi addım atmayıb”. 
 
Azərbaycan ordusunun rus sülhməramlıların məsuliyyət zonasına daxil olduğu zaman nə baş verəcək sualına cavablandıran Natiq Miri vurğulayıb ki, BMT-nin nizamnaməsinin 51-ci maddəsinə uyğun olaraq Azərbaycan ordusunun özünümüdafiə hüququna heç kəs qarışa bilməz. 
 
“Rus sülhməramlılarının məsuliyyət zonası deyilən bir zona yoxdur. Bütün dövlətlər Qarabağı Azərbaycanın qanuni ərazisi kimi tanıyır. Azərbaycan Silahlı Qüvvələri də özünümüdafiə hüququndan istifadə etməklə öz suveren ərazilərində erməni terrorçularına qarşı hərbi əməliyyatlar keçirəcək. Əlbəttə, bu əməliyyatlar başlamazdan əvvəl Rusiyaya xəbərdarlıq ediləcək. Bu zaman Rusiya haqqın yanında olmalı və öz öhdəliklərini yerinə yetirilməlidirlər. Əgər o yenə də öhdəliyindən imtina edərsə, Azərbaycan ordusu üzərinə məsuliyyət götürərək bütün qanunsuz erməni hərbi birliklərini tərkisilah edəcək. Bunun başqa bir alternativ yolu yoxdur. Eyni zamanda qardaş Türkiyə də bizim yanımızda yer alaraq Qarabağda proseslərə qatılacaq”.   
 
Yunis Abdullayev


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...