Rusiya sülhməramlı dəstələrinin müvəqqəti nəzarəti altında olan Laçın-Xankəndi yolu üzərində azərbaycanlı aktivistlərin, ekologiya üzrə qeyri-hökumət təşkilatları (QHT) üzvlərinin Qarabağ iqtisadi rayonunda ekoloji terrora son qoyulması tələbi hələ də davam edir. Qeyd edək ki, aksiya dünya ictimaiyyəti, habelə siyasi bilim adamları tərəfindəmn maraqla izlənir.
Hadisələrlə bağlı israilli siyasi ekspert Eytan Kohen Yanarocaq Ednews-a açıqlama verib. O, qeyd edib ki, Azərbaycanın dinc aksiya keçirməsi beynəlxalq hüquqa tam uyğundur və buna heç kim mane ola bilməz.
“Bu gün Laçın-Xankəndi yolu üzərində dinc aksiyaya qatılan azərbaycanlıların tələbləri tam beynəlxalq hüquq çərçivəsindədir. Onlar öz haqlı tələblərini irəli sürür. Bu həm də Azərbaycanın öz ərazilərinin ekoloji mühafizəsi uğrunda atılan addımdır və bu aksiyaya kənar müdaxilədən söz gedə bilməz,” – deyə, ekspert belə vurğulayıb.
Eytan Kohen bu günki yaranan vəziyyəti həm də Rusiyanın məsuliyyəti altında olan əraziləri nəzarətsiz buraxması ilə əlaqələndirib. O, Azərbaycanın apartığı hazırki siyasəti uğurlu adlandırıb.
“Bu gün Azərbaycan var gücünü Ukrayna müharibəsinə həsr edən Rusiyanın məsuliyyətsizliyi səbəbindən Moskvaya yumşaq təzyiqlər edir. Bu baxımdan Avropanın enerji ehtiyaclarını nəzərə alsaq, Azərbaycanın Brüssel tərəfindən siyasi dəstək alacağını da proqnozlaşdırmaq olar. Digər tərəfdən, Əliyevlə Putin arasında münasibətlər toxunulmaz olaraq qalır. Bu şahmatdır Azərbaycan oyun qaydalarına uyğun oynayır. Həm də olduqca yaxşı oynayır”.
Elnur Ənvəroğlu
