“Əslində masada həllini tapmayan məsələləri Azərbaycan heç də hərb yolu ilə həll etmək niyyətində deyil. Lakin əgər Ermənistan tərəfi üzrəinə götürdüyü öhdəlikləri yerinə yetirməzsə və Rusiya sülhməramlı kontingenti də birgə bəyanatın şərtlərini son nöqtə və vergülünə qədər yerinə yetirilməsini təmin etməzsə, o zaman Azərbaycanın daha əvvəl həyata keçirdiyi “Qisas Əməliyyatı”nın növbəti mərhələsi qaçılmaz ola bilər”.
Bu sözləri hərbi ekspert Ədalət Verdiyev Azərbaycan Respublikası prezidenti İlham Əliyevin dünən yerli televiziyalara verdiyi müsahibəsində “natamam qalmış işləri biz gərək başa çatdıraq” ifadəsi ilə bağlı Ednews-a açıqlamasında belə deyib.
Prezidetin açıqlamasında ən mühüm mesaj - Hərbi ekspertdən ŞƏRH
“Əslində masada həllini tapmayan məsələləri Azərbaycan heç də hərb yolu ilə həll etmək niyyətində deyil. Yox əgər Ermənistan tərəfi üzərinə götürdüyü öhdəlikləri yerinə yetirməzsə və Rusiya sülhməramlı kontingenti də birgə bəyanatın şərtlərini son nöqtə və vergülünə qədər yerinə yetirilməsini təmin etməzsə, o zaman Azərbaycanın daha əvvəl həyata keçirdiyi “Qisas Əməliyyatı”nın növbəti mərhələsi qaçılmaz ola bilər”.
Bu sözləri hərbi ekspert Ədalət Verdiyev Azərbaycan Respublikası prezidenti İlham Əliyevin dünən yerli televiziyalara verdiyi müsahibəsində “natamam qalmış işləri biz gərək başa çatdıraq” ifadəsi ilə bağlı Ednews-a açıqlamasında deyib.
“Prezident İlham Əliyevin televiziyalara verdiyi müsahibədə “yarımçıq qalmış işlər” dedikdə, erməni silahlılarının Qarabağdan çıxarılmamasını, Azərbaycan ilə Naxçıvan arasında maneəsiz hərəkətin təmin olunmamasını, Qarabağda rusların müvəqqəti nəzarət etdiyi ərazilərdə Azərbaycanın dövlət strukturlarının fəaliyyətinə tam həcmdə başlamamasını və Ermənistanla Azərbaycan arasında delimitasiyası, sülh müqaviləsinin imzalanması və Azərbaycan vətəndaşlarının tarixi torpaqlarına hələ də qayıtmamasını nəzərdə tuturdu. Bunlar hamısı Azərbaycanın gündəliyində duran prioritetlərdəndir və yaxın gələcəkdə həyata keçiriləcək mümkün hədəflərimizdir”.
Ekspert ölkə başçısının aksiyalarla bağlı toxunduğu məsələyə aydınlıq gətirərək qeyd edib ki, Şüşa-Xankəndi yolunda davam edən aksiyalar mütləq nəticəyə varmayınca geri dönüşdən söz gedə bilməz.
“Aksiyaların davam etdirilməsi isə təbii ki, gözləniləndir. Bunu aksiya iştirakçıları da dəfələrlə qeyd ediblər. Ölkə prezidenti də onların fəaliyyətindən tam razıdır. Çünki onların etirazları tam haqlıdır. Odur ki, etirazçıların tələbləri yerinə yetirilməyənə qədər onlar da öz mövqeyindən dönməyəcək və etirazları davam etdirəcəklər. Hesab edirəm bu aksiyalar həm də öz məntiqi sonluğuna vara biləcək”.
Bundan əlavə Ə.Verdiyev 2023-cü ilin prioritetlərində Qarabağ və Zəngəzurla bağlı birgə bəyanata uyğun olaraq, atılacaq addımlarda Rusiya və Qərbin də mövqelərinə toxunub. O, həm Qərb, həm də Rusiyanın proseslərə heç bir təsirinin olmadığını vurğulayıb.
“Qarabağla bağlı Qərb Rusiyanın Azərbaycana təsir mexanizmləri mövcud deyil. Çünki ortada birgə bəyanat var və həmin bəyanatda hər şey qısa da olsa konkret şəkildə yazılıb və şərtlər Azərbaycan tərəfi üçün yerinə yetirilməsi çox vacibdir. Düşünürəm ən azından birgə bəyanatın sonuna, yəni 2025-ci il ilin son ayına qədər bu məsələlər həllini tapmalıdır. Bu səbəbdən də 2023-cü ili kifayət qədər müsbət hadisələrin baş verəcəyi tarix kimi səciyyələndirmək mümkündür.
Bundan əlavə mən düşünmürəm Rusiya Qarabağdakı kiçicik ərazi və separatçı qüvvələrə görə Azərbaycan, Türkiyə və hətta türk dövləti təşkilatı ilə münasibətləri pozmağa çalışsın. Təbii ki, Rusiyanın bəlli bir maraqları var və onlar imkan daxilində öz maraqlarını regionda qorumağa çalışırlar. Lakin Rusiya bu maraqları mümkün olduğu qədər qorumağa çalışır. Mümkün olmadıqda isə necə ki, Fərrux, Qırxqız, Sarıbaba, Laçın, Sus, Zabux bə Buzduxda olduğu kimi Rusiya geri addım atmağa məcburdur”.
Elnur Ənvəroğlu
