10 noyabr 2020-ci ildə Azərbaycanla Ermənistan arasında imzalanan bəyannaməyə hələ də qarşı tərəf riayət etməyərək öz təxribatlarına davam edir. 

Ermənistan bölgədə sülh və sabitlikdə maraqlı deyil və buna görə də sülh prosesi məqsədli şəkildə ləngitdir və bu yolda maneə yaratmağa çalışır. 

Beynəlxalq hüquq tərəfindən Azərbaycan ərazisi kimi tanınan Qarabağda qalan qanunsuz silahlı erməni dəstələrinin oradan çıxarılmaması Azərbaycanı bu regionda antiterror əməliyyatı başlatmasına zərurət yaradır. Sülh üçün isə antiterror əməliyyatı Azərbaycanın beynəlxalq hüquqla tam tanınan haqqıdır. 

Bəs, hadisələr hansı istiqamətdə davam edəcək? Rəsmi Bakının hansı addımlar atması gözlənilir?

Məsələ ilə bağlı Millət vəkili Fəzail Ağamalı Ednews-a danışıb.

O, qeyd edib ki, ermənilər heç cürə 44 günlük Vətən müharibəsindən sonra məğlubiyyəti qəbul etmirlər. 

“Bütün baş verən prosseslər Azərbaycanın xeyrinədir. Rusiya-Ukrayna müharibəsində Rusiyanın çıxış yolu olmadığını görürük. Bununla yanaşı İranda da baş verən prosseslər göz qabağındadır. Molla rejiminin dağılması günümüzün reallığıdır. ABŞ-ın Qafqazda, xüsəsən, bizim regionda sülhün və təhlükəsizliyin qorunub saxlanılması priotetidir. Onların maraqlarına uyğundur. Azərbaycan bu gün iki istiqamətdə öz fəaliyyətini qurub. Ermənistanla münasibət və Qarabağda yaşayan ermənilərin Azərbaycana reinteqrasiya olunması. Hər iki iş paralel gedir. Düşünürəm ki, hazırda Ermənistanla elə də böyük problem yoxdur. Sülh sazişinin bağlanması gec və ya tez olacaq”.

Deputatın sözlərinə görə,  Zəngəzur dəhlizi probleminə baxdıqda isə burada Rusiyanın rolu olduğunu rahatlıqla görə bilərik.

“Qarabağdakı ermənilərin hərəkət və davranışlarının başlıca təşkilatçısı Rusiyanın hərbi siyasi rəhbərliyidir. Erməni hərbiçəlirinin qazdığı səngərlər, yollar, yeni istehkamların qurulması ilə bağlı atılan addımlar hamısı Rusiya siyasi hərbi rəhbərliyinin tapşırığı ilə yerinə yetirilir. Lakin ordumuz bunun qarşısını layiqli bir şəkildə aldı. Əgər Laçın yolunda hansısa bir silahlı insident vaxtı erməni hərbiçilərindən biri həlak olsa idi Fransanın hazırladığı bəyanat BMT-nin Təhlükəsizlik Şurasında, Avropa Parlamentində və digər platformalarda səsləndiriləcəkdi”. 

Həmçinin, o, qeyd edib ki, beynəlxalq hüquq normalarına və BMT-nin Nizamnaməsinin 51-ci maddəsinə söykənərək antiterror əməliyyatı aparıb orada yerləşən erməni quldur dəstələrini tərkisilah edib məsələyə bir dəfəlik nida işarəsini qoya bilərik. Bu məsələ ilə bağlı Azərbaycan dövləti və onun müvafiq qurumları tərəfindən ciddi işlər gedir. Tezliklə Qarabağda suverenliyimizin təmin olunması reallaşacaq.  

Deputat Vüqar İsgəndərov  fikrincə isə,  Ermənistan həmişəki kimi beynəlxalq hüququn normalarını kobud formada pozur.

“Müharibə artıq 3 ilə yaxındır bitib. Ermənistan zəif ordusu ilə məğlub olmasına baxmayaq, onu dəstəkləyən ölkələrin, qurumların verdiyi vədlərə inanaraq hələ də  sülh müqaviləsini imzalamır. Müxtəlif yollarla bundan yayınır. Erməni hərbçiləri Azərbaycan ərazisində yerləşdirilən  sülhməramlıların dəstəyi ilə təxribatlar törədir. Əraziyə silah-sursat daşıyırlar. Baş verə biləcək hadisələr Azərbaycan ərazsində olduğu üçün bu birbaşa Azərbaycanın daxili işidir. Rusiyanın, İranının, Fransanın və digər ölklərin təxribat məqsədləri Azərbaycanı öz haqq işindən ayıra bilməz. Rəsmi Bakı bütün baş verən hadisələri diqqətlə izləyir. Hansısa əməliyyatın keçirilməsində Azərbaycanın öz hüququ var”.

Aysel Şahmar