Martın 29-da Azərbaycan Respublikasının Xarici İşlər Naziri Ceyhun Bayramov İsrail Dövlətinə rəsmi səfəri çərçivəsində Baş nazir Binyamin Netanyahu ilə görüşüb. Görüş zamanı İsrailin baş naziri Benyamin Netanyahu bildirib ki, İsrail Azərbaycanla əməkdaşlıq etməkdə maraqlıdır.
Bildiyimiz kimi Azərbaycan İsrail ilə bir çox sahələrdə əməkdaşlıq edir. Martın 29-da İsraildə səfirliyin açılması isə bu əməkdaşlığın daha da genişlənməsi haqqında müsbət proqnozlar vəd edir.
Ümumiyyətlə, gələcəkdə İsrail və Azərbaycan arasında iqtisadi sahədə hansı əməkdaşlıqlar nəzərdə tutulur?
“İsrail və Azərbaycan arasındakı münasibətlər hələ 1990-cı illərin arasında yaranıb. Artıq bir neçə ildir ki, İsrailin səfirliyi Bakıda fəaliyyət göstərir. Bu gün İsraildə Azərbaycan səfirliyinin açılması ikitərəfli münasibətlərin daha da dərinləşməsinə gətirib çıxaracaq”.
Bu sözləri Ednews-a açıqlamasında politoloq Fikrət Sadıqov bildirib.
Bizi birləşdirən beynəlxalq münasibətlərdə bir sıra problemlərdə eyni yanaşma birləşdirir. Azərbaycanda yaşayan yəhudi icmasına həmişə tolerantlıq nümayiş etdirmişik.
“Təbii ki, iki ölkə arasında ictimai, siyasi , humanitar, hərbi texniki sahədə inkişaf edəcək. Bundan əvvəl də müqavilələr imzalanıb. Bu sazişlər daha da inkişaf edəcək. Biz yaxın Şərq regionuna addım atmışıq. Bizim mövqeyimiz orada möhkəmlənir. Biz bununla dünyaya bəyan edirik ki, İsrail bizim yaxın tərəfdaşımızdır. Bizim münasbətlərimiz bir sıra layihələrdə inkişaf edəcək”.
Politoloq qeyd edib ki, İsraili Azərbaycan və Ermənistanın Qarabağ münaqişəsi ilə bağlı mövqeyini də yüksək qiymətləndirilir.
“Bizim bundan sonrakı münasibətlərimizin əsas göstəricilərindən biri də odur ki, İsrail bizim mövqeyimizi dünyada, beynəlxalq arenalarda daha da əsaslı şəkildə müdafiə edəcək”.
Deputat, iqtisadçı- ekspert Vüqar Bayramov isə bildirib ki, Azərbaycan İsrail əlaqələri artım dinamikası üzrə inkişaf edir.
“İki ölkə arasında həm strateji, həm də iqtisadi əlaqələr baxımından əməkdaşlıq var. Eyni zamanda bu əməkdaşlıq ölkələr arasındakı ticarət dövriyyəsinə də bir başa təsir göstərir. 2022-ci ildə Azərbaycan İsrail arasında ticarət dövriyyəsi 85 % artaraq 1 milyard 700 milyon dollardan çox olub. Bu da onu göstərir ki, ölkələrarasında ticarət dövriyyəsində kəskin artım var. Təbii ki, İsrail Azərbaycan arasında formalaşmış strateji əməkdaşlıq hadisəsi kimi qiymətləndirilməlidir. Bu konteksdən baxanda səfirliyin açılmasından sonra həm ticarət dövriyyəsində, həm də qarşılıqlı ticari əlaqələrdə İsrail şirkətlərinin Azərbaycan iqtisadiyyatına daha aktiv şəkildə cəlb olunacağı gözlənilir.
Deputatın sözlərinə görə işğaldan azad olunmuş ərazilərimizdə İsrail şirkətləri daha yaxından iştirak etməsi prioritet məsələlərindən biridir.
“Əvvəlki illərdə tərəflər arasında daha kifayət qədər ciddi və dərin strateji münasibətlər formalaşəıb.İsraildə Azərbaycan səfirliyinin açılması da bu əlaqələrin daha da dərinləşməsinə imkan yaradacaq”.
Ayan Rzayeva
