Aprelin 11-i Ermənistan silahlı qüvvələrinin bölmələri tərəfindən Laçın rayonu istiqamətində  təxribat törədilib. Qeyd olunan istiqamətdə yerləşən bölmələrimiz tərəfindən görülən zəruri tədbirlər nəticəsində hər iki tərəf itki verib.

Bəs, Ermənistanın törətdiyi təxribat Laçın-Xankəndi yolundakı aksiyaya təsir edəcəkmi?

Politoloq Tofiq Abbasov Ednews-a regionda baş verən son prosesləri şərh edib.

O,  qeyd edib ki, Ermənistanın törətdiyi təxribat Laçın-Xankəndi yolunda olan aksiyanının qarşısını ala bilməz.

“Son olan təxribata baxmayaraq, aksiyada olan fəallarımızın, eko-aktivistlərimizin keçirdiyi aksiyalar davam edir. Ermənistanın tək istəyi vəziyyəti gərginləşdirməkdir.  Onlar bölgədəki şəraitə dağıdıcı bir zərbə vurmağın yollarını planlaşdırır. Ermənistanın quruculuq planı və  sülh ideologiyası yoxdur. Ona görə də çalışır ki, hər bir fürsətdə vəziyyəti gərginləşdirsin. İstəkləri  sülhməramlıların da prossesə gəlməsidir. Sülhməramlıların özünəməxsus tərzdə müdaxilələr etməlirini istəyirlər. Həmçinin, digər məqsədləri Ermənistan ərazisində  olan Avropa İtifaqının təmsil edən müşahidəçilər son prosseslə bağlı Azərabaycanı ittiham etsinlər. Guya bu Azərbaycanın törətdiyi məsələdir. Hazırda görürük ki, müşahidəçilərin səsi çıxmır. Çıxmamasının səbəbi isə təxribatı kimin törətdiyini bilirlər”.

Politoloq bildirib ki, Ermənistanın məqsədi özü üçün haqq qazanmaqdır. 

“Hər iki ölkənin  Müdafiə Nazirliyinin verdiyi məlumatlardan bəlli oldu ki, erməni silahlı birləşmələrinin nümayəndələri geri çəkilib. İlk onlar hücum cəhdi göstəriblər. Lakin Azərbaycan ordusu təxribatın qarşısını alıb və  lazımi cavabı verdikdən sonra həm itki verib, həm də geri çəkiliblər. Bu son təxribata isə sülhməramlıların heç bir reaksiyası yoxdur. Müdafiə Nazirliyinin və KİV-in verdiyi məlumatlardan bəlli oldu ki, təxribatı törədən Ermənistandır. Onlar yenidən gərginlik ocaqları yaradırlar ki, sülh məsələsi təxirə düşsün. Ümumiyyətlə, istəyirlər ki, gündəm sülh mövzusu olmasın və Ermənistanı dəstəkləyən ölkələri ayağa qalxsın. Bu yanaşma çox təhlükəli və yanlışdır. Azərbaycan ordusu geniş miqyaslı tədbirlərə keçə bilər. Bu tədbirlər nəticəsində Ermənistanın itkiləri də çox olacaq və mövqelərinin də zəiflənməsi qaçılmaz olacaq”. 

Aysel Şahmar