Aprelin 13-də Azərbaycan Ordusunun əsgərləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu bir neçə gün öncə Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən itkin düşüblər. Artıq 4 gün keçməsinə baxmayaraq onlar haqqında obyektiv informasiya yoxdur.
Məsələ ilə bağlı Ednews-a açıqlamasında Beynəlxalq Qızıl Xaç Komitəsinin (BQXK) mətbuat katibi İlahə Hüseynova bildirib ki, ermənilər təfəindən əsir götürülən azərbaycanlı əsgərlərin saxlanma şəraiti ilə bağlı məlumat hələki yoxdur.
“Əsgərlərimizlə bağlı Beynəlxalq Qızıl Xaç Komitəsi əlaqədar qurumlarla əlaqə saxlayıb və dialoq aparır. Mümkün qədər həmin başçəkmənin tez həyata keçirilməsi üçün çalışır. BQXK ancaq və ancaq başçəkmə baş verdikdə bu barədə ictimaiyyətə məlumat verəcək”.
Xatırladaq ki, Əsir və itkin düşmüş, girov götürülmüş vətəndaşlarla əlaqədar Dövlət Komissiyası və digər aidiyyəti dövlət qurumları tərəfindən Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən Azərbaycan Respublikası zəruri axtarış və araşdırma işləri davam etdirilir.
Qeyd edək ki, əsgərlərin azad olunmaları ilə bağlı aidiyyəti beynəlxalq təşkilatlara rəsmi müraciət olunub.
Oğuz