Xəbər verdiyimiz kimi, Naxçıvanda iki hərbçimiz dumanlı havada yolu azaraq Ermənistan ərazisinə keçiblər. Ağır işgəncələrə məruz qalan əsgərlərimiz daha bir absurd qərarla üzləşiblər. İrəvanda Ümumi Yurisdiksiya Məhkəməsi əsgərimizin həbsi ilə bağlı qərar çıxarıb. 

Ən acınacaqlısı da odur ki, Ermənistan Baş Prokurorluğu tərəfindən Aqşin Bəbirov və Hüseyn Axundov barəsində cinayət məcəlləsinin bir sıra maddələri ilə cinayət işi başlanıb.

Onlar bir qrup şəxs tərəfindən qabaqcadan razılaşdırılaraq dövlət sərhədini qanunsuz keçməkdə, silah-sursatın qaçaqmalçılığında və qanunsuz dövriyyəsində ittiham olunurlar.

Nəzərə alaq ki, anoloji hadisələrə qarşı Azərbaycan dövləti hər zaman həssas olub. Dumanlı havada və yaxud gecə saatlarında yolu azıb Azərbaycan ərazisinə keçən erməni hərbçiləri bütün zamanlarda qeyd-şərtsiz Ermənistana qaytarılıb. Bu ali insani dəyərləri və beynəlxalq hüquq rəhbər tutularaq edilib. Lakin, rəsmi İrəvanın son addımı siyasi həyasızlığın son həddi və beynəlxalq hüquqa bir təhqirdir. Ermənilər əsrlərimizi erməni diversantlarına dəyişməyə cəhd göstərə bilərmi? Əgər belə bir tələb olunarsa, Azərbaycan tərəfi hansı yollara əl ata bilər?

Məsələ ilə bağlı Ednews-a danışan politoloq Tural Əliyev bildirdi ki, Ermənistan tərəfinin mülki hərbi qulluqçularımıza cinayət işi açmağı onun diversant olmasına hüquqi qiymət vermək istəyir. Belə ki, onlar tutularkən qeyri-insani rəftara məruz qalıblar. 

“Bu baxımdan Ermənistan tərəfi və hakimiyyəti bilir ki, bu vəhşilik onların əleyhinədir. Çalışacaqlar ki, bu hadisəyə diversant kimi qiymət verib Azərbaycanda müharibədən sonra həbs edilmiş erməni diversantlarından ən azı 2 nəfərlə dəyişdirə bilsinlər. Bunların heç bir hüquqi əsası yoxdur. İki hərbi qulluqçumuz tutularkən onların üzərində silah olmayıb. Müdafiə Nazirliyi də 2 hərbi qulluqçunun itkin düşməsi barəsində açıqlama yaymışdı. 2021-ci il iyun ayında bir erməni hərbiçisi Laçın tərəfində yolunu azaraq Azərbaycan tərəfə keçmişdir. Müdafiə Nazirliyimiz açıqlama yayaraq onun diversant olmadığını yolunu azaraq biz tərəfə keçdiyini bəyan etmişdi. Qarşı tərəfə də qaytarmışdı. İkinci fakt isə 2022-ci ilin may ayında Zəngilanda baş vermişdi. Erməni əsgər sülhməramlılar tərəfindən qarşı tərəfə göndərilmişdi. Bütün bunlar onu sübut edir ki, yolunu azmış əsgərlərə həm qeyri-insani rəftar, həm onların diversant olduğu absurd fikirlərdir. Sadəcə olaraq Ermənistan indi həm o cinayəti ört-basdır etmək, həm də 2 erməni diversantını dəyişdirməklə bir az da olsa hakimiyyət xaqlın arasında özünə divident qazanmağa çalışır. Ancaq onlar diversant deyil və dəyişdirilə bilməzlər. Humanizm nöqteyi nəzərdən Azərbaycan tərəfi heç vaxt razı olmaz ki, 2 hərbiçisi orda əsirlikdə qalsın. Bu baxımdan müəyyən güzəştli addım atıla bilər. O da ki, Azərbaycan əsgərlərinin öz evlərinə qayıtmaları müqabilində”. 

Oğuz