“Rusiyanı Ermənistandan sıxışdırmaq üçün Qərbdən gələn siqnallara gəlincə, biz heç vaxt belə siqnallar almamışıq".
Ednews xəbər verir ki, bu barədə Ermənistanın baş naziri Nikol Paşinyan keçirdiyi mətbuat konfransında danışıb.
"Rusiya da daxil olmaqla ikitərəfli münasibətlərin inkişafı ilə bağlı siqnallar ola bilər. Biz tərəfdaşlarımızla münasibətlərimizi müzakirə edərkən çox şəffafıq”, deyə o, qeyd edib.
Xatırladaq ki, Rusiyanın xarici işlər naziri Sergey Lavrov deyib ki, ABŞ Ermənistanı "özünə tərəf" çəkir, onlardan rusları qovmağı və hərbi bazanı çıxarmağı xahiş edir, bunun müqabilində rəsmi İrəvana təhlükəsizlik zəmanəti verir.
