Misir prezidenti Əbdülfəttah əs-Sisi və Türkiyə prezidenti Rəcəb Tayyib Ərdoğan iki ölkə arasında əlaqələrin səviyyəsinin yüksəldilməsi və səfirlərin mübadiləsi barədə razılığa gəliblər.
Bununlada iki ölkə arasında 2013-cü ildə pisləşən münasibətlər yeni dönəmə qədəm qoyub.
Məsələni Ednews-a şərh edən misirli ekspert, “Diplomat” qəzetinin baş redaktoru Əşrəf Əbu bildirib ki, Misir-Türkiyə münasibətlərinin bərpası çox yaxınlaşıb.
“Misir və Türkiyə arasında münasibətlərinin bərpası ilə bağlı danışıqlar uzun müddətdir davam edir, bu danışıqlar həm diplomatik, həm də təhlükəsizlik səviyyəsində olub.
İki ay əvəl Türkiyənin xarici işlər naziri Mövlud Çavuşoğlu Qahirəyə səfər edib və buna qarşılıq olaraq, Misirin XİN başçısı Sameh Şükri Türkiyənin paytaxtı Ankaraya gedib. Qarşılıqlı səfər zamanı iki ölkə arasında münasibətlərinin bərpası müzakirə edilib və bu gün biz onun bəhrəsini görürük”.
Ekspert qeyd edib ki, bu gün iki ölkə arasında münasibətlərinin bərpasındə ciddi irələyiş olub.
“Bununla da bir neçə gün ərzində Misir-Türkiyə münasibətləri tam şəkildə bərpa olunacaq. Bu da hər iki ölkə üçün ən yaxşı addım olacaq”.
Münasibətlər...
2013-cü ilin yayında nə baş verdi?
2010-cu ilin son aylarında "Ərəb baharı" adı alan etiraz dalğası Misirə də təsir etdi.
Uzun müddət davam edən küçə etirazlarının sonra 2011-ci ilin fevral ayında Misirin 29 illik başçısı Hüsnü Mübarək devrildi. 2012-ci ilin iyununda keçirilən seçkilərdə Məhəmməd Mursi qalib oldu.
Bu hakimiyyət dəyişikliyi nəticəsində Türkiyənin Ədalət və İnkişaf Partiyasının Misirlə onsuz da yaxın olan münasibətləri yeni bir vüsət qazandı.
2013-cü ildə Misirdə "Təmərrüd" (Üsyan) adı altında birləşən qruplar Mursiyə qarşı kütləvi etirazlar təşkil etdilər və nəticədə 2013-cü il iyulun 3-də Misir ordusu hakimiyyəti ələ keçirdi.
Münasibətlərin pisləşməsi və "Rabia" işarəsi...
Ardınca Misir rəhbərliyi Türkiyə səfirini "persona non qrata" elan etdi.
Buna qarşılıq olaraq Türkiyə də Misir səfirini ölkədən çıxardı.
Beləliklə, Ankarayla Qahirə arasında münasibətlər pozulub.
Loğman Yunis
