“Pakistan və Azərbaycan həmişə çiyin-çiyinə vuruşub, bir-birinin yanında olublar. Ölkələr arasında bir çox məsələlərdə, o cümlədən müdafiə sektorunda qarşılıqlı anlaşma var. Bunu xüsusilə Azərbaycan Prezidenti İlham Əliyev Pakistanın Baş naziri Şahbaz Şəriflə danışıqların yekunu üzrə mətbuata açıqlamasında bildirib. Azərbaycan və Pakistan keçmişdə keçirdiyimiz birgə hərbi təlimlərin sayını artırmaq barədə razılığa gəliblər. Buna ehtiyac var, çünki dünyada vəziyyət dəyişir, qeyri-sabitlik zonaları böyüyür, ona görə də güclü hərbi potensial müstəqilliyin, ərazi bütövlüyünün təminatıdır. Artıq 30 ilə yaxındır ki, Azərbaycan Ermənistanla danışıqlar aparsa da, bu nəticə vermir və yalnız bizim hərbi gücümüz və Azərbaycan döyüşçülərinin ruhu sayəsində ərazi bütövlüyümüzü bərpa etmək mümkün olub. Yəni biz bunu danışıqlar və ya hansısa vasitəçilərin sayəsi olmadan bərpa etdik”.
Ednews xəbər verir ki, bu barədə Azərbaycan və Cənubi Qafqaz üzrə regional ekspert Mahmud Ul Həssən Xan CBC TV Azərbaycana Şahbaz Şərifin Bakıya səfərini şərh edərkən bildirib.
O, qeyd edib ki, bu gün Azərbaycan və Pakistan hərbi əməkdaşlığı regional təhlükəsizlik və tarazlığa nail olmaq vasitəsi kimi qiymətləndirir.
Xüsusilə, onun sözlərinə görə, söhbət hərbi təhsil, informasiya təminatı və müxtəlif hərbi məhsulların istehsalı üzrə birgə təlimlərdən gedir.
“Azərbaycan və Pakistanın müdafiə nazirlikləri qarşılıqlı səfərlər edir. Belə ki, bu yaxınlarda Azərbaycan nümayəndə heyəti Pakistana gəlib. Müdafiə sənayesi sahəsində əməkdaşlığın daha da inkişaf etdirilməsi məsələləri müzakirə edilib. Bildiyiniz kimi, Ermənistan və Hindistan arasında hərbi əməkdaşlığın artması regionda sabitliyi təhdid edir, ona görə də Bakı və İslamabad müdafiə sənayesində, ola bilsin, pilotsuz uçan aparatların və digər qabaqcıl silahların istehsalı sahəsində əməkdaşlıq qurmalıdırlar”.
Ekspert həmçinin qeyd edib ki, Azərbaycan ordusunun ən müasir silah və hərbi texnika ilə təchiz edilməsi məsələsinə böyük diqqət yetirir.
Onun sözlərinə görə, bu kontekstdə gələcəkdə İslamabadla əməkdaşlıq nəzərdə tutulur.
“Pakistanın müdafiə sənayesi bir çox iri müəssisəni, eləcə də elmi-tədqiqat və istehsalat komplekslərini özündə birləşdirir. Ölkə əsasən təyyarə və donanma avadanlıqlarının layihələndirilməsi və istehsalı ilə məşğuldur.
Azərbaycan və Pakistan birgə hərbi təlimlərin təşkilində fəal əməkdaşlıq edirlər. İki ölkənin silahlı qüvvələri arasında müvafiq saziş 2003-cü ilin mayında imzalanıb. Müqavilə Azərbaycan xüsusi təyinatlılarının illik hərbi təlimlərdə iştirakını nəzərdə tuturdu. 2021-ci ildə Pakistan silahlı qüvvələri ilə yanaşı, Azərbaycan, Türkiyə və Pakistan silahlı qüvvələrinin də iştirakı ilə Azərbaycanda “Üç qardaş” təlimi keçirilib. Daha sonra üç ölkənin hərbçiləri digər məsələlərlə yanaşı, terrorizmlə mübarizənin yeni yollarının birgə axtarışını işləyiblər. Yeri gəlmişkən, terrorizmlə mübarizə Pakistanla əməkdaşlığın daha bir perspektividir”.
Mahmud Ul Həssən Xan həmçinin bildirib ki, Pakistan istənilən növ terror təhlükəsi ilə mübarizədə böyük təcrübəyə malikdir. Ölkə Əfqanıstan müharibəsi zamanı terrora qarşı mübarizədə ABŞ ilə əməkdaşlıq edib.
“Pakistanda 17 mindən çox insan terrorun qurbanı olub. Bu cür cinayətlərə qarşı mübarizəyə imkan verəcək əməkdaşlıq təkcə Qafqaz regionu üçün deyil, bütün Asiya üçün çox vacibdir.
Pakistanla müdafiə sahəsində əməkdaşlıq da ikitərəfli diplomatik əlaqələrlə şərtlənir. Pakistan 1991-ci ildə Türkiyədən sonra Azərbaycanın müstəqilliyini tanıyan ikinci ölkə oldu. İslamabad 30 illik erməni işğalı məsələsində Bakıya ciddi dəstək verib. Bütün bu müddət ərzində Pakistan Ermənistanı dövlət kimi tanımayıb və onunla diplomatik əlaqələr qurmayıb. 44 günlük müharibə zamanı Pakistan Azərbaycana dəstək verdi. Şübhəsiz ki, bu cür yüksək səviyyəli görüşlər, eləcə də müdafiə və digər hərbi idarələrin rəisləri bu əlaqələrin inkişafına yeni təkan verir”.
Nurlana Hacıyeva
