Keçən həftə Böyük Britaniyada ictimaiyyət arasında keçirilən “Sizcə Böyük Britaniya təkrar Avropa İttifaqına qoşulmalıdırmı?” sorğusunda maraqlı məqamlar ortaya çıxıb. Ednews The Guardian nəşrinə istinadən xəbər verir ki, siyasi araşdırmalar mərkəzinin apardığı sorğu nəticəsində, keçən illə müqayisədə fərqli fikirlər səsləndirilib. Eyni başlıqda keçən il aparılan sorğuda Böyük Britaniya vətəndaşlarının 49% - i krallığın təkrar ittifaqa qoşulması tərəfdarı olub. Bu il isə həmin faiz göstəriciləri 57% - ə qədər yüksəlib.
Bəs, görəsən xalq ittifaqı istəməkdə nə qədər haqlıdır?
Ümumi statistikaya nəzər yetirsək Böyük Britaniyanın ittifaqdan çıxması xeyirdən daha çox zərər gətirib.
Mənbə:OECD
Yuxarıda qeyd olunan diaqramadan əsaslanaraq deyə bilərik ki, Böyük Britaniyanın ticarətdən əldə etdiyi gəlirlərin ÜDM – dəki indeksi, yerdə qalan G7 ölkələri ilə müqayisədə aşağı səviyyələrdədir. Bundan savayı Aİ – dan çıxdıqdan sonra Böyük Britaniyadakı işsizlik səviyyəsi də artıb. Avropa Reform Mərkəzi Böyük Britaniya beyin mərkəzlərinin araşdırması göstərir ki, Breksit nəticəsində Böyük Britaniyada 330 min işçi azalıb. Daha bir fakt olaraq qeyd edə bilərik ki, keçən ilin sonunda yaranan iqtisadi böhran nəticəsində, Krallıq qısa müddət ərzində iki baş nazirin hakimiyyət dəyişməsini yaşayıb, hansı ki, bu da Krallıq tarixində bir ilkdir. Həmçinin ittifaqdan çıxdıqdan sonra Krallıq tərkibindəki digər ölkələr, əsasən Şm.İrlandiya və Şotlandiya, Londonu alınan qərarda nə qədər yanlış olduqlarını söyləmiş və eyni zamanda adanı digər iqtisadi və siyasi proseslərdən özünütəcrid etməsini açıq şəkildə qınamışdır. Bu perspektivdən baxdığımızda açıq şəkildə söyləyə bilərik ki, xalqın 57% - lik bu qisminin, ittifaqı istəməsi tamamilə haqq qazandırılacaq səviyyədədir.
Nəticə olaraq qeyd edə bilərik ki, gedişat belə olduğu təqdirdə və parlament daxilində baş nazirə təzyiqlər göstərilməsi, həmçinin rəqib partiya leyboristlərin yüksəldiyini nəzərə alsaq, Böyük Britaniyanın təkrar ittifaqa qoşulmasını gözləmək olar.
Əkbər Şəbəndəyev
