Xəbər verdiyimiz kimi, Şuşada növbəti kütləvi məzarlıq aşkarlanıbdır. Bu Ermənistanın azərbaycanlılara qarşı nifrət siyasətinin, əsir və girovlarla amansız rəftarının daha faktiki sübutudur. Qeyd etmək lazımdır ki, bu proses ilk dəfədir ki baş vermir, Quba kütləvi məzarlığının aşkar olunması və hazır ki proses erməni vəhşiliyini göz önünə qoyur.
Aparılan qazıntı işləri nəticəsində 17 şəxsə aid edilən sümüklər üzə çıxıb, onlardan 11-i bütöv, 6-sı isə skeletin hissələri şəklində tapılıb. Şuşa həbsxanası ərazisindəki çirkab quyusunda aşkarlanmış kütləvi məzarlıqla bağlı dəhşətli faktlar burada olan şəxslərə hansı üsullarla işgəncə verildiyini göstərir. Eyni zamanda, qalıqlara keçirilən ilkin baxış zamanı həmin insalara müxtəlif küt zərbələr endirildiyi, kəsici-deşici alətlərdən istifadə edildiyi, habelə başlarının bədəndən ayrı olaraq dəfn edildiyi məlum olub.
Bu barədə Ednews-a Beynəlxalq Avrasiya Mətbuat Fondunun prezidenti Umud Mirzəyev şərh bildirib. Onun sözlərinə görə, Ermənistan və onun havadarları Azərbaycana qarşı tarix boyu nifrət bəsləyib:
“İnsanımızı əsir götürüb, işgəncə verib, soyqırım törədib. Bu faktlar Ermənistanın azərbaycanlılara qarşı aqressiya siyasətinin, amansız rəftarının bir daha təzahür edilmiş formasıdır. BAMF olaraq hər zaman ermənilərin törətdikləri vəhşilikləri, vandallıqları beynəlxalq ictimaiyyətə çatdırmağa çalışımışıq və çalışırıq da. Ermənistana beynəlxalq təzyiq göstərilərsə tezliklə dünya onların iç üzünü görmüş olar. Törətdikləri vəhişiklər cəzasız qalmaqda davam edir və cəzasılıq mühiti nəticəsində düşmən qanunsuz əməllərini rahatlıqla davam etdirir. Onlar bu gün də təxribatlarında əl çəkmirlər”.
U.Mirzəyev qeyd edib ki, beynəlxalq hüququn norma və prinsiplərinə məhəl qoymayan və bu barədə düşünməyən işğalçı Ermənistan davamlı təxribatları ilə regionda “gündəm” yaratmağa davam edir:
“Ermənilərin azərbaycanlılara qarşı illərdir törətdiyi bu vəhşilikləri yalançı lobilərində erməni soyqrımı vasitəsi ilə kölgələyirlər. Quba kütləvi məzarlığı, Xocalı soyqrımı ermənilərin azərbaycanlılara qarşı yürütdüyü siyasətin bariz nümunəsidir. Bir azərbaycanlı olaraq, itkin düşmüş soydaşlarımızın taleyi məsələsini dəfələrlə beynəlxalq təşkilatlar qarşısında qaldırmış, həmin şəxslərin ailələrinin uzun illərdir davam edən iztirablarına son qoyulması üçün bu mövzuda ölkəmizə dəstək verilməsi ilə bağlı müraciətlər etmişəm. Erməni terrorunun qurbanı olmuş insanların sümüklərini görəndə nə hiss etdiyini sözlə ifadə etmək çox çətindir. Bu insan qalıqları tarixdir və bizim qan yaddaşımızdır".
Sonda Umud Mirzəyev qeyd edib ki, ermənilərin havadarlarının Laçın dəhlizi ilə bağlı yalanlarına inanan beynəlxalq qurumlar nədənsə Naxçıvanın blokadası məsələsi gələndə susurlar.
“Azərbaycan xalqına qarşı törədilmiş bu hadisələr ermənilərin dünya mediasında olan böyük lobisi sahəsində ört basdır edilir. Lakin 30 il ərzində Azərbaycanın işğalda qalan əraziləri və əsasəndə Naxçıvan ərazinin regional blokadada olması beynəlxalq qurumlar tərəfindən susqunluqla qarşılanır”.
Oğuz