Ermənistan hökuməti Qarabağda Rusiya sülhməramlılarının nəzarət etdiyi ərazilərdə hələ də qalan qondarma və oyuncaq rejimə “müharibədən sonrakı dövrdə yaranmış sosial gərginliyin azaldılmasına yönəlmiş əlavə maliyyələşmə üçün” dövlət büdcəsindən 4 milyard dram məbləğində dövlətlərarası kredit verməyi planlaşdırır.
Bu qərar açıq-aşkar Azərbaycan dövlətinə meydan oxumaqdır. Bir yandan Azərbaycanın ərazi bütövlüyünü tanıdığını deyən Paşinyan hökuməti iqtisadi rayonumuzda separatçı rejimə qanunsuz olaraq pul ayırır. Üstəlik, bunun “dövlətlərarası” kimi qələmə verilməsi beynəlxalq hüquq normalarının nümayişkaranə surətdə tapdanması, Azərbaycanın ərazi bütövlüyünü tanımaması deməkdir.
Bu barədə Ednews-a açıqlama verən Beynəlxalq Avrasiya Mətbuat Fondunun (BAMF) prezidenti Umud Mirzəyev bildirib ki, Ermənistan hökuməti 30 ildən çoxdu separatçıları maliyyləşdirməklə məşğuldur. Vaxtı ilə Sovet dönəmində Azərbaycanda o cümlədən Bakıda, Sumqayıtda və digər bölgələrimizdə yaşayan ermənilərdən separatçılar üçün vəsait toplayırdılar:
“Ermənistanın hazırkı acınacaqlı durumu elə o vaxtdan dəyişməyib. Eyni dəsti-xəttlə gedirlər. Ola bilər ki, əvvəlkindən daha artıq büdcə ayırılır. Biz bilmirik, müzəffəl məlumatmız yoxdur. Ancaq biz bilirik ki, 80-ci illərin əvvələrindən separatçılara maliyyə dəstəyi göstərilməkdədir. Burada da hədəf, bütün imkanlardan istifadə etməklə Azərbaycanın min illik torpaqlarını mənimsəmək, sahib çıxmaqdır. Onlar baxıb görürlər ki, yatırdıqları bu qədər investisiya, vəsait, xərc günün birində güdəza gedir. Bundan barışa bilmirlər. Ona görə də müxtəlif yollarla xilas etməyə çalışırlar”.
U.Mirzəyev qeyd etdi ki, Azərbaycan Böyük Qayıdış proqramını çox güclü şəkildə həyata keçirir:
“Ermənistan da bunu həzm edə bilmir. Onlar Füzulidə tikilən məktəbi, Qarabağda inşa edilən hava limanlarını, yolları gördükcə havalanır, dəhşətə gəlirlər. Ermənistanın daxilində gərginlik mövcuddur. Hesab edirəm ki, Ermənistanın bu cür “blef”ləri heç də bizi düşündürməməlidir. Tam əminliklə deyirəm ki, bu problem çözüləcək. Bunun başqa yolu yoxdur. Qarşıda Ermənistanda seçki məsələsi var. İyirimiyə yaxın qruplaşma var Ermənistanda. Hamısı da bir-birini didir. Bunlar mənim min illik dədə-baba evimin içində oturublar. O evin tarixçəsini formalaşdırmaqla məşğuldurlar. Onlar elə bilirlər ki, nəyəsə nail olmaq olar. Ən azından 4-5 nəsil biz o evdə yaşamışıq. Bu gün səni gəlib ordan çıxarırlar və gözyaşı axıdırsan ki, məni evimdən çıxarırlar. Bu qədər riyakar, əsilsiz, soysuz, köksüz, əxlaqsız olasan ki, bu simanı ortalığa qoyasan”.
Sonda U.Mirzəyev Azərbaycanın sürətlə inkişaf edən dünya dövlətlərinin sırasında olduğunu vurğuladı.
Oğuz
