ABŞ Ticarət Nazirinin Qlobal Bazarlar üzrə müavini Arun Venkataraman, ABŞ və Türkiyə arasında ticarətin eksponent olaraq böyüməsi üçün ciddi bir fürsət gördüklərini bildirib.

Ednews zdf.de nəşrinə istinadən xəbər verir ki, ABŞ və Türkiyə arasında dərin strateji ortaqlığın olduğunu deyən Venkataraman Türkiyə Cümhuriyyətinin 100 illiyini qeyd etməyin həm strateji, həm də ticari baxımdan onlar üçün çox şey ifadə etdiyini qeyd edib. 

Venkataraman, "Türkiyədə illərdir fəaliyyət göstərən bir çox Amerika şirkəti var və bununla qürur duyuruq.

Biz görürük ki, Türkiyə üçün böyük bir irəliləyiş var. ABŞ ilə Türkiyə arasında ticarətin hədsiz böyüməsi   qaçılmazdır",- deyə o, bildirib.

Hər iki hökumətin bunun üçün çalışması lazım olduğunu vurğulayan Venkataraman, hər iki ölkə arasında düzgün ticarətin  olması üçün düzgün siyasəti vurğulayıb.

Mayın 13-15-də ABŞ-ın mühüm “Ticarət Küləkləri” tədbirinin Türkiyədə keçiriləcəyini bildirən Venkataraman, ABŞ-dan İstanbula böyük bir ticarət heyətinin gələcəyini də vurğulayıb.

ABŞ ilə Türkiyə arasında ticarət həcmi 52 milyard dolları ötüb.

Türkiyə İxracatçılar Məclisinin (TİM) məlumatına görə, ötən il Türkiyədən ABŞ-a 16,9 milyard dollarlıq ixracat edilib. ABŞ-dan idxalın həcmi 15,2 milyard dollar olub.
Sektorlara görə baxıldığında, Türkiyənin ABŞ-a ixracatında ilk sırada kimya, ikinci yerdə avtomobil, polad və hazır geyim sektorları gəlir.

Xəyal Ramiz