Azərbycan torpaqları işğaldan azad olunduqdan sonra kütləvi məzarlıqlar aşkar olunmağa başladı. Bu məzarlıqlar aşkarlandıqca, indiyə qədər itkin düşən insanların kimliyi də məlum olur. 

Kütləvi insan qalıqları isə bir daha illərlə ermənilərin azərbaycanlılara qarşı törətdikləri vəhşiliklərin, vandallığın bariz nümunəsi sayılır və separatçıların ən iyrənc üzünü nümayiş etdirir. 

Son axtarışlar nəticəsində 1-i mülki, 9-u hərbçi olmaqla 10 vətəndaşımızın meyitlərinin aşkar edilməsinə nail olunub. 

Məsələ ilə bağlı Ednews-a dansan Beynəlxalq Avrasiya Mətbuat Fondun prezidenti Umud Mirzəyev bildirib ki, kütləvi məzarlıqların aşkar olunması iyrənc erməni vandalizminin bariz təzahürüdür. 

“Zəngəzur dəhlizinin açılmasına bu qədər müqavimət göstərməklərinin əsas səbəbi də elə, həmin vəhşi aktlarının aşkara çıxmasına narahat olmalarıdır. 
Torpaqlarımız işğaldan azad olunduqdan sonra mütəmadi olaraq kütləvi məzarlıqlar aşkar olunmağa başladı. Biz bilirik ki, 1990 – cı illərin əvvəllərində təkcə Xocalı hadisələri cərəyan edilərkən 4000 – dən çox Azərbaycan vətəndaşı əsir götürülüb. Bundan sonra bizim 900 – dən çox kəndlərimiz, şəhərlərimiz, qəsbələrimiz və rayonlarımız işğal olundu. Həmin adını sadaladığım yaşayış yerləri işğal olunduqca burada əsir və girov götürülənlər insanlar oldular. Zənnimcə rəqəmlər daha böyükdür”. 

U. Mirzəyev həmçinin qeyd edib ki, Ermənistan ərazisinin daxilində də araşdırmalar aparılsa bu cür kütləvi məzarlıqların şahidi olarıq. 

“1980 – ci illərin sonlarında təxminən 500 minə yaxın azərbaycanlı Ermənistan ərazilərindən deportasiyaya məruz qaldı. Bu şəxslərin arasında da çoxlu öldürülənlər və girov götürülənlər oldu. Əminliklə deyə bilərəm ki, bu şəxslərin böyük bir qisminin ismi həmin o, 4000 nəfərlik siyahının içində yoxdur. Ermənistan ərazisinin daxilində də araşdırmalar aparılsa bu cür kütləvi məzarlıqların biz şahidi olarıq. Bəlkə də, Zəngəzur dəhlizinin açılmasına bu qədər müqavimət göstərməklərinin əsas səbəbi elə, həmin vəhşi aktlarının aşkara çıxmasına narahat olmalarıdır.

Düşünürəm ki, Ermənistan törədilən bütün vəhşiliklərə görə cavab verməlidir və dünyanın isə hadisələrə susmağa haqqı yoxdur!”

Əkbər Novruz