“Antiterror tədbirləri son dərəcə uyğun idi, çünki qarşı tərəfdəkilər terrorçu idi. Ermənilər Daşnak və ASALA kimi terror təşkilatları yaradaraq türklərə və dinc əhaliyə davamlı hücumlar edirdilər. Türkiyədə və Azərbaycanda türklərə qarşı qırğınlar həyata keçiriblər. Ermənistan davamlı təxribat yaradaraq, minalar basdıraraq, sülhü tanımayan dövlət olduğunu dəfələrlə nümayiş etdirdi”.
Bu sözləri Ednews-a türkiyəli politoloq Muhammet Kutlu deyib. Onun sözlərinə görə, Ermənistan bu yaxınlarda ABŞ-la birgə hərbi təlim keçirdi və guya bununla Azərbaycana mesaj vermək istədi.
“Bunlar qəbuledilməz şeylərdir. Ermənilər həmişə başqalarının arxasına sığınaraq türklərin üzərinə hücum çəkmiş, çətin vəziyyəti görüb arxalarına baxmadan qaçıblar. Azərbaycanın apardığı antiterror tədbirləri başa çatdı. Bu həm Qərbə, həm Ermənistana, həm də onların havadarlarına ciddi mesaj oldu. Ermənistan razılaşmalara məhəl qoymur, beynəlxalq qaydalara əməl etmir, dinc əhaliyə hücum edir, minalar basdırır, terror törədirdi. Antiterror tədbirlərində Azərbaycan Ordusunun nə qədər güclü olduğunu bir daha görürük. Erməni əsgərlərinin qaçmağa başlaması, mövqelərini tərk etməsi və məğlubiyyətə uğraması bunun bir daha sübutdur. Qarabağda baş verənlər və son proseslər türk milləti üçün böyük dərsdir. Dünyanın ən fərqli düşmən düşərgələrini təmsil edən İran və ABŞ kimi ölkələr Ermənistan məsələsi ətrafında birləşərək bir ürək halına gəliblər. Bu müharibə türk millətinin dəyərlərini və tarixini xatırlatdı və soydaşlarına dəstək olmaq məsuliyyətini bir daha göstərdi. Türk milləti olaraq birlikdə hərəkət edərək daha da güclənə bilər və tarix boyu qazandığımız təcrübələrdən gələcək çətinliklərin öhdəsindən gəlmək üçün istifadə edə bilərik”.
Oğuz