“Azərbaycan və Ermənistan arasında ən qısa zamanda sülh müqaviləsi imzalanmalıdır. Qarabağa barış, əmin-amanlıq gəlməlidir. Bunlar olmadan güllə səslərini eşitməyə davam edəcəyik”.
Bu fikirləri Ednews-a açıqlaması zamanı Beynəlxalq Avrasiya Mətbuat Fondunun (BAMF) prezidenti Umud Mirzəyev bildirib. O, ermənilərin Qarabağda Azərbaycanın antiterror tədbirləri zamanı təslim olmasına baxmayaraq, yenədə öz məkrli təxribatlarını davam etməsindən danışarkən sentyabrın 30-da şəhid olan hərbi qulluqçumuz Orucov Vüsala da rəhmət diləyib.
“Güllə səslərinin tam kəsilməsi üçün müəyyən bir zamana ehtiyac var. Ermənistan rəhbərliyi gələcək üçün xalqının aqibətini düşünməlidir. 30-35 il bundan əvvəl separatçılar gənc nəsillərə ümumiyyətlə, bütün erməni millətinə azərbaycanlılara, türklərə qarşı kin-kudurət aşılamağa başladılar. Bu ideologiyanı təmsil edərək regiona savaş, qan gətirdilər. Bu gün həmin o separatçılar bu gün tar-mar oldular. Onların bütün idealogiyası, məkrli niyyətləri fiaskoya uğradı. Onlar fərqinə varmalıdırlar ki, Ermənistanın özünü də bu aqibət gözləyə bilər”.
BAMF prezidenti Qarabağdan köçən ermənilərdən də söz açdı. O həm də Ermənistan hakimiyyətinin uydurması olan şişirdilmiş insan sayından da danışıb.
“Azərbaycan hökuməti Qarabağ ermənilərinin regionu tərk etməməsi üçün əlindən gələni etdi, bununla bağlı onlara dəfələrlə çağırışlar oldu. Onlar Qarabağdan getməyi özləri istədilər. Mən düşünürəm ki, Qarabağda ermənilərin dedikləri qədər əhali yox idi, ona görə də rəqəmlər yarıbayarı azalacaq. Bizim sərhədçilərimiz köçən əhalinin qeydiyyatını aparıb və yaxın günlərsə rəsmi açıqlama olacaq. Mən mətbuatımızdan xahiş edirəm ki, ermənilərin şişirdilmiş rəqəmlərinə istinad etməyib, rəsmi açıqlamanı gözləsinlər”.
Sonda Umud Mirzəyev həbs edilən erməni separatçılarından da söz açıb. O, qeyd edib ki, sonda hamı öz günahına, əməlinə görə mütləq cavabını alacaq.
“Separatçıların böyük əksəriyyəti hələ də Qarabağdadırlar. Azərbaycanın müzəffər ordusu sayəsində bu cinayətkarların hamısı həbs olunacaq. Çünki bu işğalçıların əli qana batıb. Onların simasına baxanda hiss edirsən ki, günahkardılar”.
Oğuz
