Ermənistanın Baş naziri Nikol Paşinyan Fransanın Strasburq şəhərinə işgüzar səfərə gedib. Bu barədə onun mətbuat xidmətindən bildirilib. Qeyd olunub ki, N.Paşinyan sabah Avropa Parlamentində çıxış edəcək və qurumun rəhbəri Roberta Metsola ilə görüşəcək. Ermənistan baş nazirinin səfər çərçivəsində bir sıra görüşlər keçirəcəyi gözlənilir.

Bəs görəsən, Paşinyanın Fransa səfərində hansı mövzuların müzakirəsi gözlənilir?

Görüşlə bağlı Ednews-a politoloq Tofiq Abbasov xatırlatdı ki, Paşinyan bu görüşlərə məğlub ölkənin rəhbəri kimi qatılır. Onun çıxışları giley-güzardan başqa bir şey olmayacaq: 

“Həm də ki, guya 100 mindən artıq Qarabağ ermənisinin Azərbaycan ərazilərindən çıxarılması məsələsini gündəmə gətirəcək. Bu zəmində də birincisi burada maliyyə məsələsi diqqəti cəlb edəcək. Çünki istər-istəməz Ermənistan ağlayan məmləkətlərdəndir. Bu yeganə dövlətdir ki, büdcəsində ianələr bəndi var. Xaricdən, erməni diasporasında, kilsədən və digər təşkilatlardan göndərilən pullar dövlət büdcəsində təsbit olunur. Odur ki, Paşinyan bu görüşdə ağlamağa başlayacaq, Azərbaycanı etnik təmizləmələrdə ittiham edəcək və.s. Paşinyan öz bədbəxtçiliyini çalışacaq ki, maksimum dərəcədə baha satsın. Bu onun üçün yeganə şansdır”. 

T.Abbasov bildirdi ki, əgər görüşdən sonra kömək etmə məsələləri həllini tapacaqsa Paşinyan bunu erməni diplomatiyasının uğuru kimi qələmə verməyə çalışacaq:

“Əslində deyərdim ki, Paşinyanın qatarı gedib. Hətta avropa da bunu gözəl başa düşür. ABŞ-da, kollektiv Qərb də gözəl anladılar ki, Azərbaycan bu proseslərdə çox səlis diplomatiya istifadə edərək maksimal nəticə əldə etdi. Faktiki olaraq Bakı mütləq qalibdir. Bundan sonra Ermənisran sülh sazişinin bağlanmasına köklənsin. Ola bilsin ki, Paşinyan Fransada Zəngəzur dəhlizi ilə bağlı demaqogiyanı istismar etməyə başlasın ki, guya ona təzyiqlər göstərilir, işğal təhlükəsi altındandır və.s. Ancaq bu məsələlər də artıq köhnəlib. Dünya güc mərkəzləri Azərbaycanın dominant rolu ilə barışıblar”. 

Oğuz