Latviyanın xarici işlər naziri Krisjanis Karins 2024-cü ildə Yens Stoltenberq istefa verəcəyi zaman NATO-nun baş katibi postuna seçkilərdə iştirak etməyə ümid edir.
Ednews xəbər verir ki, Bloomberg bu barədə Karinsin nümayəndəsinin bəyanatına istinadən məlumat yayıb.
Müraciətdə həmçinin bildirilir ki, nazir Latviyanın baş naziri kimi öz təcrübəsindən, həmçinin “Rusiya təhlükəsini aydın başa düşməkdən, Ukrayna ilə bağlı güclü mövqedən və beynəlxalq münasibətlərin qurulmasında sübut edilmiş təcrübədən” istifadə edərək alyansın inkişafına töhfə vermək niyyətindədir.
Qeyd edək ki, Karinsdən başqa, artıq başqaları da baş katib vəzifəsinə seçilməkdə maraqlı olduqlarını bildiriblər. Onlar Niderlandın baş naziri Mark Rutte və Estoniyanın hazırkı baş naziri Kaja Kallas.
.jpg)
