"İran prezidenti və XİN Azərbaycan ilə gərginlikləri aradan götürmək üçün addımlar atıblar. Əminəm ki, onların yerinə gələcək siyasətçilər də bu faktoru nəzərə alaraq münasibətləri korlamaq naminə addım atmayacaqlar".

Bu sözləri Ednews TV - yə müsahibəsi zamanı Azərbaycan Respublikasının sabiq Xarici İşlər Naziri Tofir Zülfüqarov söyləyib. İran prezidenti Rəisinin faciəli ölümündən sonrakı dövrdə İran - Azərbaycan münasibətlərini şərh edən sabiq nazir münasibətlərin dəyişəcəyi yönündə heç bir şey olmayacağını düşünür.

"İbrahim Rəisi hakimiyyətə gəldiyi ilk dövrlərdə Azərbaycan ilə münasibətlər kəskin şəkildə gərginləşib. Bir neçə il öncə cənab prezident İlham Əliyev bu məsələni şərh edərkən xüsusilə qeyd edib ki, bizim digər adminstrasiyalarla münasibətlərimiz normaldır. Bildiyimiz kimi həmin bu adminstrasiya elə addımlar atıb ki, bu münasibətlər öz gərginliyinin pik həddinə çatıb. Azərbaycan səfirliyinə qarşı silahlı hücum buna bir nümunədir. Lakin iki ölkə arasında qarşılıqlı olaraq münasibətlərin bərpası naminə addımlar atılıb. Ələxsus ölümündən əvvəl prezident Rəisinin, prezident İlham Əliyevlə görüşü ilə bir çoxlarımız qənaətə gəldik ki, bu böhran artıq geridə qaldı. Ölümün baş verməsi ilə İran çox ciddi siyasi hadisələr ilə üz - üzədir. Lakin Azərbaycan perspektivində yenidən gərginlik olacağını zənn etmirəm".

Daha ətraflı video - müsahibədə:

Əkbər Novruz