Prezident İlham Əliyevin Misirdə mətbuata bəyanatı - VİDEO

Siyasət 14:38 08.06.2024

Azərbaycan Prezidenti İlham Əliyevlə Misir Ərəb Respublikasının Prezidenti Əbdülfəttah əs-Sisi mətbuata bəyanatlarla çıxış ediblər.

Ednews  xəbər verir ki, bu barədə Azərbaycan Prezidentinin Mətbuat Xidməti məlumat yayıb.

Qahirədə iyunun 8-də Azərbaycan Respublikasının Prezidenti İlham Əliyev və Misir Ərəb Respublikasının Prezidenti Əbdülfəttah əs-Sisi mətbuata bəyanatlarla çıxış ediblər.

Ednews un məlumatına görə, əvvəlcə Misir Prezidenti bəyanatla çıxış etdi.

Prezident Əbdülfəttah əs-Sisinin bəyanatı

- Azərbaycan Respublikasının Prezidenti Zati-aliləri cənab İlham Əliyev.

Zati-alilərinizi və Sizi müşayiət edən nümayəndə heyətinizi qəbul etməkdən xoşbəxtəm. Bu səfəriniz ikitərəfli əlaqələrimizin möhkəmləndirilməsinə xidmət edir və yol açacaq. Eyni zamanda, Zati-alinizin Azərbaycan Respublikasının Prezidenti vəzifəsinə yenidən seçilməyiniz münasibətilə Sizi ürəkdən təbrik edirəm. Həmçinin BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına ev sahibliyi etməyiniz münasibətilə də ürəkdən təbrik edirəm.

Bu gün Azərbaycan Respublikasının Prezidenti ilə keçirdiyim danışıqlar ikitərəfli əlaqələrin müxtəlif sahələrdə möhkəmləndirilməsinə xidmət edir. Eyni zamanda, qarşılıqlı maraq kəsb edən regional və beynəlxalq məsələlər ətrafında müzakirələr apardıq. O cümlədən inşaat, nəqliyyat, əczaçılıq, neft və infrastruktur sahələrində mümkün əməkdaşlıq imkanlarını müzakirə etdik. Həmçinin iki ölkə arasında birgə komissiyanın fəaliyyətinin və növbəti iclasının təşkilinin önəmini qeyd etdik. Tezliklə komissiyanın növbəti iclasının keçirilməsini qərara aldıq ki, iqtisadi-ticari sahədə əlaqələrimiz daha da inkişaf etsin.

Xanımlar və cənablar, regional məsələlər Azərbaycan Respublikasının Prezidenti Zati-aliləri ilə müzakirələr əsnasında diqqət mərkəzində olub. Cənab Prezidentlə müzakirələrdə, eyni zamanda, Qəzzada fələstinli insanlar üçün humanitar yardımların həcminin artırılması istiqamətində Misirin səylərini müzakirə etdik və 1967-ci il iyunun 4-dən əvvəlki sərhədlər çərçivəsində müstəqil Fələstin Dövlətinin yaradılmasının zəruriliyini vurğuladıq.

Cənab Prezidentə Cənubi Qafqazda sülhün, təhlükəsizliyin təmin edilməsi istiqamətində səylərin vacibliyini və bu səyləri dəstəklədiyimizi bir daha bildirdim. Bu səylər region ölkələrinin və xalqlarının inkişafı üçün böyük töhfə olacaq. Həmçinin cənab Prezidentə bildirdim ki, növbəti mərhələdə ikitərəfli əlaqələrin bütün sahələrdə inkişafının şahidi olacağıq.

Buyurun cənab Prezident, söz Sizindir.

x x x

Sonra Azərbaycan Prezidenti bəyanatla çıxış etdi.

Prezident İlham Əliyevin bəyanatı

-Hörmətli cənab Prezident, Zati-aliləri.

İlk növbədə, dəvətə və qonaqpərvərliyə görə Sizə təşəkkürümü bildirmək istəyirəm. Qədim tarixə malik ölkənizdə olmağımdan çox məmnunam.

Bu səfər Misir-Azərbaycan əlaqələrinin inkişafına böyük töhfə verəcək. Keçən il biz Prezident əs-Sisini Azərbaycanda qəbul etmişdik, bu il mən səfər edirəm. Yəni, bu onu göstərir ki, siyasi dialoq müntəzəm xarakter daşıyır. Biz razılaşdıq ki, bu siyasi dialoq bundan sonra da davam etdirilsin. Mən Prezident əs-Sisini Bakıda keçiriləcək COP29 konfransına dəvət etdim və şadam ki, mənim dəvətim qəbul edilmişdir. Eyni zamanda, bildirdim ki, Misirin COP27 sədrliyi və ev sahibliyi böyük uğurlarla nəticələndi. Bu münasibətlə həmkarımı təbrik etdim və eyni zamanda, Misirin bu sahədəki təcrübəsini öyrənmək üçün müraciət etdim və bizim nümayəndələrimiz daim təmasdadırlar.

Beynəlxalq məsələlərin müzakirəsi zamanı aydın oldu ki, fikir ayrılığımız yoxdur. Bütün beynəlxalq məsələlərdə bizim fikrimiz üst-üstə düşür. Əslində, biz beynəlxalq təşkilatlar çərçivəsində fəal çalışırıq, o cümlədən BMT, Qoşulmama Hərəkatı, İslam Əməkdaşlıq Təşkilatı çərçivəsində fəal əməkdaşlıq edirik, İslam həmrəyliyinin gücləndirilməsi istiqamətində birgə səylər göstəririk. Bildiyiniz kimi, Misirin dəstəyi ilə Azərbaycan dörd il ərzində Qoşulmama Hərəkatına sədrlik etmişdir. Bu sədrliyin nəticəsində Hərəkat daha böyük imkanlara malik olmuşdur.

Fələstin-İsrail münasibətlərinin tənzimlənməsi və müstəqil Fələstin Dövlətinin yaradılması bizim Qoşulmama Hərəkatına sədrliyimiz dövründə hər zaman diqqət mərkəzində idi, bir çox tədbirlər keçirilmişdir və Azərbaycanın mövqeyi birmənalıdır - müstəqil Fələstin Dövləti qurulmalıdır, Şərqi Qüds onun paytaxtı olmalıdır. Bu gün Qəzzada yaşanan faciə tezliklə dayandırılmalıdır, müharibə dayandırılmalıdır və bütün məsələlər danışıqlar yolu ilə həll olunmalıdır. Mən Prezident əs-Sisiyə bildirdim ki, biz Misirin bu istiqamətlərdəki səylərini dəstəkləyirik və Misir tərəfindən irəli sürülmüş təşəbbüslər diqqətə alınmalıdır.

Eyni zamanda, biz Cənubi Qafqazdakı prosesləri də müzakirə etdik. Mən bildirdim ki, hazırda Azərbaycan və Ermənistan öz dövlət sərhədlərini müəyyənləşdirmək işində müəyyən uğurlara nail olublar. Demək olar ki, 12,7 kilometr dövlət sərhədi razılaşdırıldı. Azərbaycanın Qazax rayonunun otuz ildən çox müddət ərzində işğal altında olmuş dörd kəndi danışıqlar yolu ilə Azərbaycana geri qaytarılmışdır və biz bunu müsbət hal kimi qiymətləndiririk. Eyni zamanda, hesab edirəm ki, danışıqlar prosesində də irəliləyiş üçün yaxşı imkanlar var. Hər halda Azərbaycan buna hazırdır.

Onu da bildirdim ki, Azərbaycan keçən ilin sentyabr ayında öz dövlət suverenliyini və ərazi bütövlüyünü tam bərpa etmişdir. Əlbəttə ki, bu, Ermənistan ilə normallaşdırma yolumuzda önəmli amil olacaqdır. Həmkarımın diqqətinə o da çatdırıldı ki, iki ilə yaxındır Azərbaycan-Ermənistan şərti sərhədində sakitlikdir, heç bir atəşkəs pozuntusu müşahidə edilmir.

İkitərəfli münasibətlərə gəldikdə, ticarət həcminin artırılması təbii ki, müsbət haldır. Əgər statistik rəqəmlərə baxsaq görərik ki, ticarət dövriyyəsi bir neçə dəfə artıb. Ancaq mütləq rəqəmlər hələ bizi qane etmir və bu gün imzalanmış sənədlər, əldə edilmiş razılaşmalar əminəm ki, bu istiqamətdə də bizə kömək edəcək. Əminəm ki, ilk növbədə, energetika, bərpaolunan enerji növlərinin istehsalı, neft sənayesi, əczaçılıq, alüminium sənayesi sahələrində və digər sahələrdə yaxşı nəticələr əldə etmək mümkün olacaq.

Biz bu gün, eyni zamanda, yeni nəqliyyat dəhlizləri ilə əlaqədar fikir mübadiləsi apardıq. Həm Şərq-Qərb, həm Şimal-Cənub nəqliyyat dəhlizləri Azərbaycan ərazisindən keçir. Azərbaycan ərazisində bütün infrastruktur yaradılıb və beləliklə, nəqliyyat-logistika sahəsində əməkdaşlıq üçün çox gözəl imkanlar açılmaqdadır.

Birgə hökumətlərarası komissiyanın növbəti iclası ilə bağlı nümayəndə heyətlərinin üzvləri bizə məlumat vermişlər. Komissiyanın sonuncu iclası iki il bundan əvvəl Azərbaycanda keçirilmişdir. Yəqin ki, komissiyanın növbəti iclası bu il keçiriləcək və prezidentlər tərəfindən verilmiş bütün göstərişlər, əminəm, ciddi müzakirə ediləcək və beləliklə, biz əməkdaşlıq istiqamətində növbəti önəmli addım atacağıq.

Hörmətli cənab Prezident, Zati-aliləri, mənə və nümayəndə heyətinə göstərdiyiniz qonaqpərvərliyə görə bir daha təşəkkürümü bildirmək istəyirəm. Əminəm ki, noyabr ayında Bakıda CO

P29 çərçivəsində biz Sizinlə yenidən görüşəcəyik.


İlyas Hüseynov: "COP29 erməniləri ciddi narahat edir" - MÜSAHİBƏ - VİDEO

Xəbər xətti

Ukrayna üzrə ikinci sammitin mümkün tarixi açıqlanıb
00:01 17.06.2024
Atletimiz Avropa birinciliyinin qalibi oldu
Atletimiz Avropa birinciliyinin qalibi oldu
23:28 16.06.2024
Qəzzada ölən fələstinlilərin sayı 37,3 min nəfəri keçib
23:00 16.06.2024
İranın XİN başçısı və Rusiya XİN-in xüsusi nümayəndəsi Qafqazdakı prosesləri müzakirə ediblər
22:28 16.06.2024
Qaziantepdə ağır yol qəzasında 2 nəfər ölüb, 3 nəfər yaralanıb
22:00 16.06.2024
Blinken müsəlmanları təbrik etdi
21:30 16.06.2024
İordaniyanın azı 14 təbəəsi Həcc ziyarəti zamanı ölüb, daha 17 nəfər itkin düşüb - YENİLƏNİB
21:00 16.06.2024
ABŞ-da təyyarə yerə çırpıldı: 2 ölü var
ABŞ-da təyyarə yerə çırpıldı: 2 ölü var
20:45 16.06.2024
ABŞ və Ermənistan rəsmiləri müdafiə məsələlərini müzakirə ediblər
20:30 16.06.2024
Gürcüstanda zəlzələ olub
20:13 16.06.2024
Azərbaycan Ordusunun şəxsi heyəti üçün qurbanlar KƏSİLİB
18:00 16.06.2024
COP29 Təşkilat Komitəsinin üzvləri DOST İnklüziv İnkişaf və Yaradıcılıq Mərkəzində
17:40 16.06.2024
Azərbaycanlı jurnalist insult KEÇİRDİ - Komadadır
17:20 16.06.2024
Peskov: “Putin Ukrayna ilə danışıqların mümkünlüyünü rədd etmir, lakin”
Peskov: “Putin Ukrayna ilə danışıqların mümkünlüyünü rədd etmir, lakin”
17:00 16.06.2024
MN: Hərbi hissələrdə Qurban bayramı mərasimləri qapalı şəkildə keçirilir
16:41 16.06.2024
"Zəngəzur sənətkarlığı" adlı layihənin ilkin mərhələsi üzrə planlaşdırılan işlər davam etdirilir
"Zəngəzur sənətkarlığı" adlı layihənin ilkin mərhələsi üzrə planlaşdırılan işlər davam etdirilir
16:33 16.06.2024
MDB-yə üzv ökələrin hərbi istehkamçıları TƏLİM KEÇİRƏCƏK
16:20 16.06.2024
Yevlaxda avtomobillər toqquşub, 8 nəfər xəsarət alıb
16:00 16.06.2024
Abşeron çimərliklərində gözlənilən HAVA
15:40 16.06.2024
Sumqayıtda qrad mərmisi aşkarlanıb
15:20 16.06.2024
Bayram tətili ilə əlaqədar paytaxtdan bölgələrə axın MÜŞAHİDƏ EDİLİR
15:00 16.06.2024
Şahbaz Şərif Prezident İlham Əliyevə ZƏNG EDİB
14:40 16.06.2024
Temperatur 38 dərəcəyədək yüksələcək - SABAHIN HAVASI
14:20 16.06.2024
Avropa çempionatları tarixinin ən erkən QOLU VURULUB
Avropa çempionatları tarixinin ən erkən QOLU VURULUB
14:00 16.06.2024
Sautqeyt: "Rəqibin zəif tərəflərindən istifadə etməyə çalışmalıyıq”
Sautqeyt: "Rəqibin zəif tərəflərindən istifadə etməyə çalışmalıyıq”
13:40 16.06.2024
Ölkə ərazisində 35 dərəcə isti müşahidə edilir - FAKTİKİ HAVA
13:20 16.06.2024
Ayasofyada BAYRAM NAMAZI
Ayasofyada BAYRAM NAMAZI
13:00 16.06.2024
Mingəçevirdəki yanğında xəsarət alanların SON VƏZİYYƏTİ açıqlanıb
12:40 16.06.2024
Təzəpir məscidinin imamı: “Mağazalarda kəsilmiş heyvan ətinin qurbanlıq adı ilə satışı şəriətə uyğun deyil”
12:20 16.06.2024
Nazirdən bayram PAYLAŞIMI
12:00 16.06.2024
Şuşa, Füzuli, Laçında heyvan kəsimi üçün çadırlar QURAŞDIRILIB
11:40 16.06.2024
Mehriban Əliyeva Qurban Bayramı münasibətilə paylaşım edib
11:20 16.06.2024
MN: Naxçıvan istiqamətində yerləşən mövqelərimiz atəşə tutulub
11:06 16.06.2024
İlyas Hüseynov: "COP29 erməniləri ciddi narahat edir" - MÜSAHİBƏ - VİDEO
11:00 16.06.2024
Qaradağda “Ford” “Kamaz”la TOQQUŞUB - Sürücü maşında sıxılmış vəziyyətdə qalıb
10:40 16.06.2024
Avro-2024-də növbəti 3 oyun
Avro-2024-də növbəti 3 oyun
10:20 16.06.2024
Bakıda avtomobil 43 yaşlı qadını vurub
10:00 16.06.2024
Goranboyda evdən mobil telefon oğurlayan şəxs SAXLANILDI
09:45 16.06.2024
Şuşalılar bayram namazını doğma yurdda qıldılar
09:30 16.06.2024
"Bavariya" onlarla yeni müqavilə imzalayır
"Bavariya" onlarla yeni müqavilə imzalayır
09:15 16.06.2024
Hamısı