Heydi Khün 30 yaşında olanda həkimlər ona bədxassəli uşaqlıq boynu xərçəngi diaqnozu təyin etdilər. Heydi 3 uşaq anası idi. O, xərçəng xəstəliyinə qalib gəldi və 4-cü övladını da dünyaya gətirdi. Bundan sonra isə onun həyata baxışında ciddi dəyişikliklər oldu.
Ednews xəbər verir ki, bu sözləri Heydi Kuhn “Forbes” jurnalına müsahibəsi zamanı deyib. O, dünyanın bir çox ölkələrində mina problemləri ilə bağlı məsələlərə həssalıqla yanaşdı. H.Kuhn, bu işə həyatını qoydu və dünyaya çağırış etdi.
H.Kuhn müharibədən əziyyət çəkən ölkələrdəki minaları üzüm və meyvə bağları ilə əvəz etməli olduğunu dərk etdi.
"Minalardan üzümlərə" ifadəsi, Şəhzadə Diananın faciəvi ölümündən cəmi üç həftə sonra, Marin qraflığındaki evimizdə minadan sağ çıxanların iştirak etdiyi tədbirə ev sahibliyi edərkən ağlıma gəldi”, H.Kuhn Zoom vasitəsilə verdiyi son müsahibədə qeyd edib.
“Francis Ford Coppola Inglenook-dan bir qədər şərab bağışlamışdı və digər şərab sənayesi dostları da orada idilər. İlk layihəmiz müharibədən zərər çəkmiş Xorvatiyada minaların təmizlənməsi və yeni üzüm tinglərinin əkilməsi idi. Məhz o zaman onun qeyri-kommersiya təşkilatı olan "Sülhün Kökləri" yarandı”.
Bu gün onun təşkilatı bütün dünyada müharibə zonalarından milyonlarla minanı təmizləmiş və onların yerinə şərab üzümləri, süfrə üzümləri, meyvə bağları və ədviyyat ağacları yetişdirmişdir.
Məhz bu cəsarətli səylərinə görə Heydi Kuhn Bakıda, Azərbaycanda Minalardan Təmizlənməsi üzrə Beynəlxalq Konfrans zamanı Beynəlxalq Avrasiya Mətbuat Fondunun (BAMF) prezidenti Umud Mirzəyev tərəfindən Nobel Sülh Mükafatına namizəd göstərilmişdir.
“Bunun Bakıda elan edilməsi yerinə düşərdi. Çünki Nobel Mükafatını təsis edən Alfred Nobel əslində bir müddət orada yaşayıb”, - Heydi Kuhn bildirib.
“Bundan əlavə, biz hazırda Azərbaycanın Qarabağ bölgəsində minaların təmizlənməsi və onların üzüm bağları ilə əvəzlənməsi layihəsi üzərində işləyirik”.
Heydi Kuhn vurğulayıb ki, 2020-ci ildə Azərbaycan və Ermənistan arasında müharibə cəmi 41 gün davam etsə də, üzüm bağlarının və meyvə bağlarının yenidən əkilməsi üçün orada hələ də 1,5 milyon mina çıxarılmalıdır.
Fərid
