ABŞ prezidentliyinə namizəd Donald Tramp Ukraynada müharibəyə son qoymaq planı çərçivəsində Rusiyaya qarşı sanksiyaları yumşaltmağı düşünür. 

Tramp bundan əvvəl dəfələrlə bəyan edib ki, prezident vəzifəsinin icrasına başladıqdan sonra 24 saat ərzində Ukraynada müharibəni dayandıra bilər. Belə anlaşılır ki, ABŞ-ın gələcək prezidenti Ukraynanı işğalçı ölkə qarşısında məğlub vəziyyətə salmağa hazırlaşır. 

Bəs, dünyanın ən güclü dövlətinin təcavüzkarı bu formada sakitləşdirmək siyasəti nəyə gətirib çıxara bilər?

“Seçki kampaniyası zamanı verilən bəyanatlar hərfi mənada qəbul edilməməlidir. Trampın indi əsas vəzifəsi seçki mübarizəsində qalib gəlməkdir. Onun bu ritorik hərəkətləri bu məqsədə çatmağa həsr olunub. Trampın Ukrayna ilə bağlı istənilən “sülh planı” və Rusiya təcavüzünə qalib gəlmək fikirləri haqqında yalnız o, seçkidə qalib gəldikdən sonra danışmaq olar.”

Bu fikirləri Ednews-a açıqlamasında Ukrayna dumasının üzvü Oleksandr Merejko bildirib. Onun sözlərinə görə, 
Xarici siyasət komandası və xarici siyasət doktrinası formalaşdırıldıqdan sonra bu məsələ haqqında ciddi fikir sahibi ola bilərik:

"Bu zaman Tramp və komandası onun bütün planlarını obyektiv şəkildə düzəldərək xarici siyasət reallığı ilə üzləşə bilər. İndi hər hansı bir nəticə çıxarmaq üçün çox tezdir. Amerika siyasəti tarixində dəfələrlə olub ki, prezidentliyə namizəd müxtəlif şüarlarla, ideyalarla başlayıb, seçildikdən sonra reallığın təzyiqi altında çox dəyişməyə məcbur olub. 

Reallıq isə budur ki, Putin sülh danışıqlarının xoş niyyətlə aparılmasını istəmir. O, sözünün üstündə dura, əldə olunan razılaşmaları yerinə yetirə bilmir. Tramp yenidən prezident olarsa, bunu çox tezliklə başa düşəcək. O zaman, yəqin ki, ABŞ Ukraynaya hərbi-texniki dəstəyi gücləndirə bilər.”

Fərid