“Apple” şirkətinin ən böyük təqdimatı ləğv oluna bilər | Eurasia Diary - ednews.net

4 Aprel, Şənbə


“Apple” şirkətinin ən böyük təqdimatı ləğv oluna bilər

Elm və texnologiya A- A A+

"Apple" şirkətinin iyunda proqram tərtibatçıları üçün keçirdiyi illik "WWDC" konfransı ləğv olunmaq təhlükəsi ilə üzləşib.

Belə ki, şirkətin mənzil-qərargahının yerləşdiyi Santa-Klara dairəsinin (Kaliforniya) hakimiyyəti tərəfindən kütləvi tədbirlərin keçirilməsi qadağan olunub.

Santa-Klara dairəsinin Səhiyyə Departamenti mindən çox insanın iştirak etdiyi kütləvi tədbirləri qadağan edib.

Martın 10-dan etibarən qüvvəyə minən qadağa minimum üç həftə davam edəcək.

Məlumata görə, qadağa səbəbindən "Apple" şirkətinin yay təqdimatı və illik konfransı ləğv edilə bilər.

"WWDC" stabil şəkildə 6 min qonağı bir araya gətirən dünyada proqram tərtibatçıları üçün ən böyük tədbirlərdən biridir. Tərtibatçılar konfransı ənənəvi olaraq Santa-Klara dairəsinin mərkəzi olan San-Hose şəhərində keçirilir. Jurnalistlərin fikrincə, "Apple" tərəfindən "WWDC" konfransının onlayn formatda keçiriləcəyi təqdirdə iştirakçıların sayı artacaq.

Kütləvi tədbirlərin keçirilməsi ilə bağlı yeni tövsiyələr dairədə ilk COVID-19 pnevmoniya xəstəsinin ölümü qeydə alındıqdan sonra tətbiq edilib. Santa-Klarada infeksiyadan ölənlərin ümumi sayı isə 43 təşkil edir.

EDNews

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...