Sosial media nəhəngi Facebook platformanın tanışlıq xidmətinin istifadəçilərinə yaşlarını yoxlamaq imkanı vermək üçün süni intellektlə üz skanerindən istifadə kimi üsulları sınaqdan keçirir.
Ednews xəbər verir ki, Facebook-un ana şirkəti Meta bu yaxınlarda bloq yazısında elan edib ki, platforma istifadəçiləri arasında şübhəli istifadəçilərin yetkinlik yaşa çatdıqlarını təsdiqləyən sorğu aparacaq. Sorğu görüntülü, yəni üzün skan edilməsi ilə mümkün olacaq.
Məlumatda qeyd edilir ki, bu proses iki formada mümkün olacaq. Belə ki, istifadəçi üz görüntüsünü təsdiqlədikdən sonra Facebook-da üçüncü tərəf ilə paylaşdığı selfi videosunu paylaşaraq və ya şəxsiyyət vəsiqələrinin surətini yükləyərək, yaşını təsdiq edə biləcək.
Meta şirkətinin verdiyi məlumata görə, “Yoti” adlı şirkət istifadəçinin yaşını sənəd əsasında müəyyən etmədən belə üz işarələrindən təyin edə bilir.
Rəna Mürşüd
